【有個閨密叫祖藍】自認異性朋友多 李亞男向王祖藍訂下「三不規條」

娛樂 16:47 2022/07/23

分享:

分享:

TVB總經理(節目內容營運)曾志偉出山主持《獎門人》,而TVB首席創意官王祖藍任《聲生不息》司儀後,主持全新綜藝節目《有個閨密叫祖藍》,將於本月31日(周日)起在翡翠台播出。

祖藍為《閨密》可謂碌盡人情卡,先後請來老友、知心朋友及新認識的啱傾好友雲集新節目,且覆蓋年齡層甚廣,最年青有近日憑《聲生不息》人氣急升的炎明熹(Gigi),最資深代表則是與祖藍同走搞笑路線的苑瓊丹。

最新影片推介:

與8位女嘉賓玩遊戲

據TVB近日釋出的官方預告片,《閨密》另外的6位嘉賓為蔡少芬、胡杏兒、薛凱琪、容祖兒、楊千嬅及陳松伶。8位女嘉賓各因不同原因與祖藍成為「閨密」,眾人之間的共通點 ,則是與祖藍一樣「夠晒無聊」,小小事都可以玩到不亦樂乎。

為讓8位嘉賓傾得盡興、玩得過癮,祖藍刻意將拍攝日程安排得「有咁忙得咁忙」,每集嘉賓除要完成指定的「閨密任務」,更要按節目組及祖藍「心情」額外被加碼其他小遊戲,當中有小學雞級別的、「互相傷害」Mode、「真情」Mode、烹飪鬥室及時光倒流情景題等,務求讓觀眾及嘉賓每一刻都有驚喜。

祖藍受訪時笑言:「拍呢個節目真係好忙,都辛苦節目組度咗咁多嘢出嚟。最搞笑係,每個上完嚟嘅嘉賓,都同我投訴話:『乜唔係上嚟傾偈架咋咩?點解忙得咁緊要架?好攰呀!』」

李亞男先發制人

談到宣傳片中與女嘉賓有不少親密接觸怕否激嬲太太李亞男,祖藍聞言笑笑口謂:「我老婆識咗我咁耐,都知我真係有唔少異性好友,但佢相信我係清白嘅。

他續指:「不過佢為咗安心起見,都喺節目一開始透過節目組同我約法三章,仲訂埋『三不規條』,係咩就唔講住,大家睇第一集就知架喇,亞男同我囡囡都會周不時喺節目『客串』。」

蔡少芬嬲祖藍

祖藍又謂,拍攝過程最讓他驚喜的,是有些「閨密」的心事,也是透過這個節目才知曉:「好似第一集嘉賓蔡少芬咁,原來佢嬲過我嘅,但我當時真係完全唔知,我事後聽番都覺得自己好過份。」

他並透露由於節目拍攝期間撞正內地爆疫情,故邀約嘉賓及拍攝過程不無阻滯,幸好節目最終能順利完成,並希望能為觀眾帶來歡樂。

    點擊圖片放大
    +8
    +7

撰文 : TOPick柴犬出動