老闆楊受成開船P為周家怡慶生 魔鬼教練關智斌教玩wakesurf

娛樂 15:10 2022/07/26

分享:

分享:

上周六是周家怡的生日,老闆楊受成日前就為家怡舉行生日船P,更叫埋熱愛水上活動的同門藝人關智斌(Kenny)、衛詩雅(Michelle)、陳國邦、曾樂彤、李靖筠(Gladys)、艾妮(Elly)、黎峻(Kenneth)、劉若寶(Polly)及郭思(Suey)齊齊為新快艇作「下水禮」。

楊老闆特意為旗下藝人家怡搞船P慶生,又送上靚靚蛋糕及乳豬造型蛋糕,認真有心思,壽星女表示:「尋日嘅船P大家玩得非常開心,要多謝老闆為我準備生日蛋糕,多謝各位兄弟姊妹陪我切蛋糕,好開心成為英皇嘅一份子,真係好似個大家庭,超級感動!」

她續指,並有要多謝Kenny、Michelle及Gladys之前向楊受成表達鍾意wakesurf:「老闆就二話不說買咗一隻專業比賽用嘅wakesurf船俾我哋玩,真是超級好老闆,咁樣嘅老闆去邊度搵!」問到生日願望,家怡稱:「當然係疫情快啲過去,大家都健康平安,工作順利!」

家怡被爆蝦碌事

不過壽星女家怡雖然在陸地有「女車神」之稱,但出到海便發生不少蝦碌事,Kenny大爆:「佢開頭雖然跌咗好多次,但好堅持繼續,後來好似想放棄,不過我哋唔肯俾佢上水:『你一定要放到繩行到為止!』最後喺我哋強迫之下終於完成咗呢件事,佢都話好開心冇遺憾咁上番架船,哈哈。」

家怡就笑說:「琴日wakesurf我跌咗好多次,跌到有挫敗感,好在最終得到星級教練Kenny同Michelle指導,終於喺最後一次成功咗,可惜無片,哈哈!」

最新影片推介:七師傅專訪

撰文 : TOPick柴犬出動