【我是現場005】夥Jason開騷王嘉儀大讚好好先生 陳柏宇盼擦出新火花

娛樂 12:56 2022/07/27

分享:

分享:

陳柏宇夥同新晉歌手王嘉儀開騷。

陳柏宇跟新晉歌手王嘉儀首度合作,二人將於下月27日舉行《我是現場》音樂會005 。

過去二人偶爾會在音樂活動上遇見,只是打個招呼而已,彼此無進一步認識、更從未試過有合作的機會,Jason只靠聽歌來對Sophy作初步了解,他說:「都係透過Sophy嘅歌曲去初步了解。

最新影片推介:七師傅專訪

當知道今次同Sophy合作,即刻上網聽同睇佢出過嘅歌曲,覺得佢係一個對自己音樂好有Style嘅女孩子。」

至於Sophy,最記得Jason的,就是他那好好先生的個性,她回憶道:「過去都會喺一啲樂壇頒獎禮上見到Jason,好記得有一年佢拎『我最喜愛的男歌手』一獎,致謝辭係叫大家投其他歌手,等大家都可以攞獎,我就覺得呢個人好warm,呢個Moment好難忘。」

陳柏字望二人可擦出不一樣的火花。

Jason與Sophy的音樂風格各走兩極,但都異口同聲表示今次合作演出不僅為樂迷,也為自己帶來新鮮感。Jason說:「其實我一直都好喜歡同新嘅音樂人合作,好似之前就同Novel Fergus、Kiri T、Serrini等人合作過,而每次合作都會有新嘅體驗,相信今次都唔例外。」

Sophy也說:「Jason講嘢都用丹田,好勁!可想而知佢唱歌功力相當深厚,加上佢唱歌有講故事嘅感覺,相信到時我都會沉醉其中。」

陳柏宇跟王嘉儀下月尾開騷。

另外,Jason與Sophy也預告二人將會為今次音樂會度身訂造不一樣的歌單,其中Jason最期待聽到自己的作品會滲入Sophy的風格,他說:「Sophy嘅音樂唔係香港常見嘅曲風,好想將Sophy嘅音樂元素擺喺自己身上。」

Sophy亦聽到Jason的獨特性,也期待二人擦出不一樣的火花,她說:「Jason作為男歌手,佢嘅音域好濶,係應該可以唱到好高音嘅男星,我自己作為女歌手把聲有啲磁性,亦都算係唱到幾低音嘅女歌手,所以喺聲音上嘅碰撞應該可以好好玩,好期待同Jason唱合唱歌,同埋改編一啲歌曲。」

撰文 : TOPick柴犬出動