【錯誤管教】小四仔巴士上串錯英文字 港媽拍打辱罵「白癡」︰串錯一個字打一下

育兒經 10:18 2022/07/28

分享:

分享:

有港媽因小四兒子串錯英文字,而在巴士上對他又打又鬧。

父母教小朋友不免勞氣,但打罵絕非管教好方法。有網民於社交平台投稿指,在巴士上目擊有港媽因小學生兒子串錯英文字,而又打又鬧,甚至辱罵他是「白癡」,令乘客側目。網民內疚當時未有採取行動,以及時阻止媽媽對小朋友動粗。

又鬧又打如同虐兒

該名網民在facebook專頁「生仔要考牌系列」投稿分享,日前在荃灣的荃威花園巴士總站,與小朋友登上39M巴士,坐在她們前排的一位媽媽正責備兒子,「竟然就係因為個仔唔識串『sugar』同『yoghurt』」。她有感整個過程如同虐兒︰

「串錯一個字打一下!」之後不停聽到拍拍聲,再繼續鬧。

如果兒子串字慢,媽媽就鬧他「係咪玩嘢啊」,又出言侮辱他︰

你四年班連二年班嘅英文都唔識,係咪白癡㗎你!

最新影片︰

乘客側目卻無人敢指責

目擊的網民指媽媽又鬧又打兒子,「鬧到下層成個車廂啲人都聽到」。即使不少家長及長者皺眉望住她,對方仍無動於衷,不過當時沒有人敢當面指責她,網民覺得她精神情緒狀態差。

網民想透過投稿來抒發自己當時的懦弱,對沒當面指責那位媽媽感到內疚。她希望家長找到正確方法紓緩壓力,不要發洩在小朋友身上。同時,如該名媽媽看到此投稿,她想跟對方說︰

打罵小朋友係唔會記住㗎,你只可以每日不停重複、不停練習,佢先會記住,開心學習係事半功倍得多。

最後,她指媽媽的兩個英文字讀音,不論是美式或英式都是錯,因為「你嗰個係港式」。

網民︰愈打愈唔記得

不少網民看到帖文後,留言指責媽媽的行為不對,認為打罵孩子根本得不到理想效果,表示「我阿媽當年都係咁對我,結果愈打愈唔記得」、「我記得有研究講過小朋友被鬧完會蠢幾個鐘」、「大人細路都好,俾人鬧得多會怯,會更加抗拒同發揮唔到」。點擊圖片即睇網民意見︰

    點擊圖片放大
    +8
    +7

文章獲「生仔要考牌系列」授權刊登

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳