【七人樂隊】袁和平洪金寶分享會金句連連 杜琪峯撐影圈新血:唔好踩佢哋

娛樂 12:48 2022/08/01

分享:

分享:

觀眾十分熱情。

洪金寶、袁和平(八爺)和杜琪峯(杜Sir)三位香港名1導演,上周六首次同參與電影《七人樂隊》的映後分享會,不少影迷聞風而致,門票火速掃清。這場近三百人的fans meeting,三位大導分享拍攝趣事和解答影迷提問,完場時不少影迷包圍他們合照,場面熱鬧。

為了向菲林電影致敬,杜Sir扯頭纜邀請洪金寶、許鞍華、譚家明、徐克、袁和平和林嶺東,與杜Sir聯手執導,以僅存的菲林底片拍攝以香港50年代開始,每位導演主理一個十年的香港電影《七人樂隊》。

洪金寶、袁和平和杜琪峯更首次一同出席映後分享會。為紀念這特別場次,電影公司更送每位買票入場觀眾《七人樂隊》的電影菲林留念,非常珍貴。

最新影片推介:

杜Sir被問,誰是他第一位邀請合作的導演?他說:「都估唔到搵大家嘅時候,大家都一口答應,我覺得好榮幸。我第一個搵林嶺東,四十幾年朋友,接近半個世紀⋯⋯」此時現場幾乎每支咪高峰都發出低頻怪聲,杜Sir笑說:「唔好亂講嘢,總之係佢啦!」

對於選用新演員,杜Sir說:「我唔想成日畀人話我拍戲都係用嗰幾個主要演員,應該要改變自己,希望鼓勵年青人,香港需要新人。當佢哋有啲成就,唔好踩!係,佢哋可能未夠成熟、未得,但唔好踩。無論新導演或演員,應該畀多啲機會。我哋𡃁仔出嚟嘅時候都一樣被人話唔得,邊個知道得唔得?如果無機會就一定唔得。」

有觀眾質疑徐克導演的章節《深度對話》離題,洪金寶導演幽默回應:「我好欣賞徐克導演嗰個故事,因為好似依家個社會咁九唔搭八!徐克,好嘢!」全場掌聲和笑聲,身旁的八爺和杜Sir都點點頭。

金句連連。

被問到為何選兒子洪天明演其師傅于占元?洪金寶導演笑說:「佢似佢老竇!哈,其實佢外型有啲似(于師傅),但覇氣就唔及我!佢(洪天明)好操控嘛,唔聽話我可以揼佢。依家教細路都唔可以打,我師傅好彩,如果佢喺現代教細路,坐監坐到依家都未放返出嚟!」全場爆笑。

對於為何近年香港動作電影買少見少?著名動作指導及導演的八爺,感嘆香港武打演員後繼無人,他說:「好似甄子丹、吳京喺國外學武,再喺內地武術隊受訓,然後我就去用佢哋。武打演員要好長時間栽培出嚟,例如子丹做到差唔多盡,我又要去揀人,但係無人。所以武打片、功夫片嘅前境比較艱辛。」

撰文 : TOPick柴犬出動