【蠱惑招數】將軍澳豬肉檔遭街坊聲討 買$30豬肉切多$20擅自攪碎焗買

親子 10:44 2022/08/02

分享:

分享:

街坊買豬肉一肚氣,於社交平台出帖聲討將軍澳豬肉檔阿姐多宗罪。

去街市買餸,最怕遇上不老實的店主。將軍澳一豬肉檔阿姐疑因亂切豬肉,遭街坊聲討,網友力斥她是慣犯,「街市檔口冇生意,不是沒有原因的」。

最新影片推介:

該名中伏的將軍澳女街坊,上周五(7月29日)在Facebook群組「將軍澳主場」上載了一張豬肉檔的相片,相片清楚見到檔口及切割員阿姐,並註名是寶林街市,

我要30元個阿姐就切咗50幾元焗我要,當時我都算la冇同佢計較。

樓主被焗買多$20豬肉,也息事寧人照單全收,但上周四(28日),她再到該檔買30元半肥瘦豬肉,阿姐竟擅自把豬肉攪碎,

又係呢個阿姐喺冇問我的情況下佢叫人幫我攪碎嚿肉,當時我攞緊錢未有留意,當我俾完錢之後想攞嚿肉,佢話已經攞咗去搞碎,仲想焗我要。

樓主企硬拒要,阿姐即黑面,求其切了嚿入唔到口的瘦肉報復她,

我心諗炒瘦肉都可以,就算數走咗,晚餐炒咗d肉來食先發現硬到食唔到,只怪我哋呢d新進C9冇經驗,以後都唔想幫襯呢間買肉,大家都要小心呢個阿姐。

貼文一出,即引起將軍澳街坊熱議,指該豬肉檔阿姐是慣犯,最鍾意亂收錢,樓主應該意識到拿拿臨將肉攪碎的原因!「大聲鬧佢,佢咁老土都唔怕俾人知啦,個個行過嚟都同佢宣傳下」、「我前天都係,話要50蚊玻璃肉,一嘢斬咗$90,我話太多,佢話多小小,吃多兩件,三日都吃唔哂喇」、「這位大嬸,我中了一次即入黑名單,我買大約七十元西施骨,見台面有一碟好似排骨只是二十元,我心想都好,買埋加入煲湯,怎知她入袋時抽起四件,我話你為何抽起四件,她竟話不是你的,你眼花,激到我,錢已比了,氣到不知怎做,我忍忍忍,以後不幫你買,去新都城買!我等緊有人幫我出氣罵這位大嬸!」

有網友表示阿姐做法「太狼死,檔嘢咁劏客法,肯定唔想做回頭客生意」,提議樓主及中過伏的街坊有問題應該直接唔要或打去海關投訴。

點擊下圖,即睇留言:

    點擊圖片放大
    +12
    +11

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳