【婆媳關係】嫲嫲為仔慳錢自動請纓湊孫 睇漏家長日通告遭新抱扯火發難

親子 14:01 2022/08/02

分享:

分享:

有全職爸爸在香港討論區吐苦水,指阿媽幫手湊孫,睇漏咗張家長日通告,老婆大發雷霆。

婆媳糾紛不時都會發生,夾在中間的阿仔/老公,左右做人難!有全職爸爸大呻老媽子為了不想外傭湊孫,自動請纓幫手,但因為睇漏一張家長日通告,老婆扯火發難,爆seed「搞唔掂當初就唔好搶住湊,早知請工人好過」。

最新影片推介:

該名全職爸爸,在「香港討論區」發帖,主題為「老媽子因為睇漏咗阿仔d嘢,老婆發晒脾氣」,他表示兩公婆都是全職工作,本打算請工人照顧小朋友,但老媽子指自己在家太得閒,自動請纓幫手,

咁平時老媽子會送阿仔返學放學,睇通告,老媽子其實對眼唔係咁好,但都叫應付無咩大問題。

怎料……全職媽媽在7月26日接到學校的來電,指家長日點解只得囝囝返學,家長沒有陪同,

前日老婆返工,突然收到學校電話,問點解今日家長日但淨係見到XXX同學,唔見家長陪同嚟,先知原來家長日改早咗,老師仲話之前派咗通告,阿仔返到學校又以為上堂,自己一個坐咗喺班房,結果要即刻請假飛的去學校,事後仲知阿仔俾人笑係咪無阿爸阿媽。

他們返抵屋企後,原來嫲嫲因眼力不好,看不清楚張通告就掉了,結果又掀起一場婆媳大戰,

原來老媽子收過類似通告,但佢睇唔清寫咩,以為無咩特別就掉咗,於是老婆就開始扯火,今次搞到阿仔俾人笑,佢自己都無臉,仲話咗老媽子一句『搞唔掂當初就唔好搶住湊,早知請工人好過』

新抱這句有骨的說話,奶奶當然不好受,作為阿仔/老公的全職爸爸無奈說:「老媽子聽完好唔開心,老婆又發晒脾氣……唉,真係好頭痛,點解小小事會變成咁!」

貼文一發,即惹來網民熱議,一致認為嫲嫲幫忙湊孫,而功課及通告應該是父母的責任,「你阿媽幫手湊,係幫,而唔係做晒,責任沒有轉移的,書包內任何通告、手冊,甚至學校APP,你同太太一定要自己做,這才是父母的責任,你太太因為錯過準時去家長日遷怒奶奶,更是無理取鬧,明明係自己唔啱」、「一開始就錯晒,通告、功課一定係爸爸媽媽睇,點會叫嫲嫲負責?你會唔會叫菲傭幫你睇通告、簽通告?自己唔跟實,有問題仲好意思賴人,雖然D同學亂咁講話你個仔無爸爸媽媽係唔啱,但事實你哋真係冇盡到爸爸媽媽應盡的職責!」、「漏咗咪漏咗囉,有幾緊要?死人?唔錯得?唔衰得?行行下路都會仆x啦,仆唔死咪得囉!」

有網民著樓主應先安撫媽媽情緒,再叫老婆下火,奶奶是長輩要識尊重長輩,之後再安排照顧阿仔的事宜。

點撃下圖,即睇留言:

    點擊圖片放大
    +13
    +12

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳