【對抗濕疹】囝囝嚴重濕疹無法入睡 Bob憶述抗濕疹血淚史終覓新治療好轉

健康 16:55 2022/08/04

分享:

分享:

子女患濕疹,痛在父母心,林盛斌(Bob)囝囝林道申(Jaye Jaye)出世時患嚴重濕疹,差不多每15分鐘醒一次無法入睡,林盛斌憶述抗濕疹血淚史時,坦言全家壓力大,幸覓新治療,囝囝濕疹已好轉。

囝囝濕疹失眠 全家壓力巨大

林盛斌早前與囝囝Jaye Jaye獲香港皮膚健康基會邀請,分享囝囝抗濕疹血淚史,他憶述,「Jaye Jaye出世嘅時候,已經係幾嚴重嘅濕疹底,到佢六至八個月大左右,濕疹就開始發出黎,一開始出喺關節呢D位,慢慢手手腳腳八成都有,連塊臉都有出。」

他又指太太曾試過一些自然療法,但沒有作用,Jaye Jaye無法入睡,差不多每15分鐘醒一次,全家也面對很大壓力。

    點擊圖片放大
    +4
    +3

Bob夫婦曾被誤當虐兒

最誇張的是,Jaye Jaye約9個月大時到診所檢查,醫生發現Jaye Jaye不斷長高,但體重完全沒有增加,一度以為他們虐兒。他感慨,「其實原因就係瞓唔到覺,之後醫生開咗藥,等佢瞓得好啲,太太亦都有煲肥仔湯俾佢飲,好彩之後體重就有上升喇,大家都真係鬆一口氣。」

一家小朋友都有濕疹的Bob笑言,自己久病成醫,對濕疹藥物「熟晒」,對於兒子早前經常獲處方類固醇,內心頗為抗拒、擔心,他慶幸現時已有非類固醇藥膏,令Jaye Jaye終於可以摵甩類固醇。「真係深入皮膚細胞由基底改善皮膚屏障,佢最近好咗好多啦!」

最新影片:


 傷在兒身 痛在父母心

Bob表示,傷在兒身 痛在父母心,「嗰時我每次見到佢𢱑到皮膚損晒、流晒血,夜晚瞓唔嗰時喊到好淒涼,真係寧願有濕疹嗰個係我自己。最陰公係見到佢笑得好可愛,但其實佢當時係好痕、好痛、好辛苦。所以我最大嘅心願好簡單,就係仔女可以開開心心、健健康康咁成長!」

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

《香港經濟日報》TOPick新聞「第三屆全港小學生中文作文大賽」 立即參加:https://bit.ly/3CrwGul

責任編輯:羅嘉欣