【學好英文】林盛斌聘英文老師上門教仔女發音 Bob讚靚女好笑容︰又勤力又叻

中小學 13:48 2022/08/05

分享:

分享:

Bob林盛斌為子女聘請了靚女英文老師上門教發音,盛讚老師靚女好笑容,最重要又勤力又叻,令小朋友很喜歡上堂。

星爸林盛斌(Bob)與太太黃乙頤(Pearl)育有4子女,教育孩子方面會針對性找老師幫忙。昨日(4日)Bob在社交平台分享聘請了英文老師Leona教導子女發音,大讚老師靚女又教得好,所以Bob上載與老師的合照發文,推介給有需要的家長。網民留言紛紛讚老師似岑麗香和江若琳。

最新影片推介︰

Bob在帖文中讚Leona老師可能是他見過最靚、最甜、最開心的老師,見二家姐、三家姐和細仔的英文發音幾好,相信她有很大功勞。

佢最勁嘅地方係,佢有一種能力同魅力,可以令到所有小朋友都好鍾意上佢堂,佢嗰種成日笑嘅正能量令到大家都好喜歡佢!

Bob推介Leona老師給有需要的家長。(Bob facebook圖片)

另外,Leona除了教英文之外,還開始做外國流行的臨時保姆,即是父母夜晚開開心心出去拍拖,她就可以上門陪小朋友玩兩三個鐘,直至父母回家,例如玩遊戲、閱讀、談天等,同時可以教小朋友練習講英文,比孩子看iPad、睇電視打發時間好。

    點擊圖片放大
    +4
    +3

Bob︰收費平過playgroup

Bob稱Leona的收費不貴,並提供聯絡方法。Bob接受TOPick訪問時進一步解釋,「收費平過你去嗰啲乜嘢playgroup。」他感謝太太幾年前找到這位老師教女兒英文發音,現在再教快將5歲的細仔。

講真,經過調教之後,佢哋嘅英文發音又真係幾好嘅,所以我太太咪繼續搵佢教啲小朋友囉。

    點擊圖片放大
    +6
    +5

讚老師有魅力讓小孩喜歡上課

他直言一直都覺得,土生土長的Leona姐姐英文叻,樣子又幾靚,又好笑容,最重要是一個好勤力的老師,還有一種能力和魅力,令小朋友都很喜歡跟她上堂,「佢嗰種成日笑嘅正能量令到大家都好喜歡佢」。不過她客仔不多,因她不算積極找客人,所以Bob想幫她一把。

我成日叫佢不如拍片上網教人英語拼音啦,咁咪可以吸引多啲家長去搵你教小朋友英文囉,但係佢又有啲怕醜,所以嗰日我咪同佢講,不如我出個post,幫你宣傳下,等你可以有機會搵多啲生意啦。

一向樂於助人包括做媒人的Bob笑言,今次幫老師宣傳後,老師的電話被炸爆,不停響,「原來真係好多家長需要一個好嘅老師上門教英文發音拼音,有幾個圈中朋友都問咗我攞多啲資料,我諗佢嚟緊啲期都好滿㗎啦,唔知仲有冇時間幫我個仔,哈哈!」

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

記者︰林綺玲