【禮讓他人】小朋友大埔搭巴士讓腳傷者先落車 乘客見港爸鬧無跟實代平反:佢係好孩子

育兒經 14:04 2022/08/07

分享:

分享:

小朋友大埔搭巴士讓腳傷乘客先落車,卻被爸爸誤會責罵。

大埔日前有名小朋友禮讓有需要的人先落巴士,被同行爸爸誤解無跟實而被他人攝位,乘客見狀即解釋,並大讚小朋友是好孩子,可惜該港爸似是為保面子懶理事實,繼續責備小朋友。該乘客友人事後代為網上發帖,安慰及再次表揚小朋友,「多謝你對我嘅禮讓,多謝你嘅善良」。

昨日(6日),在facebook群組「大埔 TAI PO」,有名網民代朋友發帖,事發在昨日,事主有腳傷到大埔墟廣福道看跌打,包住了左腳乘坐巴士75X回總站富善邨,由於下層沒座位,事主上了上層前排坐。到達總站富善,事主坦言自知行動不便,計劃最後下車不影響其他乘客。

我知自己跛落得慢,諗住讓其他人落曬先慢慢落,我坐係個位度見落到尾兩三個,咁我起身慢慢行向樓梯位。

最新影片:

小朋友讓腳傷乘客先落巴士

事主預計情況準備下車,而最後一位的乘客是一位小朋友,事主本來預自己最後一人下車﹐不過見該小朋友遞出兩隻手示意讓他先落車,事主就先行。當時,他心底大讚該小朋友識得禮讓,很乖很有禮。

原來在小朋友前方是其爸爸,該港爸下車發現見不到小朋友跟住後面,就責備小朋友,大聲到四周的人都聽到,包括事主。

就嚟料開始喺度鬧,然後我終於都落完樓梯出到車門,佢又繼續鬧,又話唔跟住又話小朋友自己走咗去,又話俾人攝位點點⋯⋯

港爸懶理事實罵孩子

事主見狀跟該港爸解釋,「先生,我冇攝位,而係小朋友有禮貌,讓我行先,你唔好咁話佢。」事主形容當刻小朋友被爸爸責罵感害怕,企在原地不敢出聲。雖然港爸聽到真相,但未有停下來責罵,沒有向孩子道歉,似為保面子反過來向事主說,「我點教小朋友係我家事,唔到你理。」

事主回應不是要理會他的家事,只是想為小朋友平反及解釋,「我淨係知佢一個好孩子,你唔好咁話佢。」港爸懶理,更加兇惡地說:

你都唔好咁嘅態度同我講嘢,佢之前成日都係咁,唔跟住乜乜⋯⋯

為了息事寧人,事主不想糾纏下去,只想小朋友不被罵,他說了多一次:「你唔好咁話佢啦。」而他跟那對父子/女不同路,只見港爸依舊一邊行一邊罵小朋友。

公開發帖多謝禮讓小朋友

事主撰寫長篇千字文去講述事件﹐交由朋友發帖,目的不是批評他人如何教仔,只是有感而發,他是小朋友禮讓的受惠者,小朋友卻因為善良、懂得禮讓反給爸爸責罵,有感為人父母要相信小朋友是善良,同時為無辜的小朋友平反,讓他釋懷。

我知道我好難見番你,所以我想借這平台對你講一聲「多謝」,多謝你對我嘅禮讓,多謝你嘅善良。

網民留言

    點擊圖片放大
    +8
    +7

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳