【香港高級視聽展】譚嘉儀首出席簽名會　年底開騷不設舞台機關

譚嘉儀昨日(8月6日）以一身粉紅貼身裙現身香港高級視廳展，為她的限量版粉紅膠碟舉行簽名會，場面熱鬧。

嘉儀說：「我都係首次正式舉行簽名會，今日為咗襯返我隻粉紅色碟，所以特意着咗條粉紅色裙嚟，不過我真係好鍾意粉紅色，屋企亦都有好多衫都係粉紅色嘅，之前宣傳新歌亦都有試過將我啲頭髮染成粉紅色㗎。」

她說：「因為疫情，真係好耐冇同Fans見面，不過但有啲人平時知道我喺電視城開工，都會專程喺出面等我。」

▲ 舉行簽名會。

她再透露早前因疫情宣布延期的演唱會改到今年年底會在舉行，但不知道之前MIRROR演唱會意外，會否又有影響。

她說：「我都係唱吓歌，同跳少少舞啫，冇乜舞台機關，況且只係麥花臣球場舉行一場，希望唔使太擔心啦。」

最新影片推介：Ben Sir+孫慧蓮專訪