【盂蘭節】四大長老宗教大不同  港女呻農曆七月是否燒街衣變「姻親戰」

親子 16:23 2022/08/08

分享:

分享:

有人妻在香港討論區大吐苦水,指兩家長輩因宗教大不同,令她非常苦惱。

農曆七月,不時都會在街上看到人們按照傳統「燒街衣」,不過年輕一代對這些傳統習俗,則不是人人喜歡!無神論的人妻,因為燒街衣一事辣㷫四大長老,無辜成為兩家長輩的磨心,令她非常懊惱。

最新影片推介:

該名人妻日前在香港討論區帖文,主題為「農曆七月要點先唔會得罪四大長老?」,她稱娘家是信基督教,夫家的奶奶卻偏傳統,自己與老公則是無神論。

人妻表示,屋企因為不准裝香,所以奶奶未能為他們請土地公回家,也因為兩家長輩宗教不同,容易掀起風波,「躲得過初一,躲不過十五」,

宜家農曆七月我奶奶叫我哋唔好出夜街,我哋都有照做,奶奶話要同我哋燒街衣,咁之後我哋自己就識買同埋點做,其實我同老公都唔想去燒街衣,因為聽講最好燒咗一次之後每年都要燒…

人妻未決定點做,但其夫卻爆響口,將燒街衣一事說了給大舅知,隨即觸法起兩家人的罵戰,

搞到媽咪打電話嚟問我有冇跟奶奶去燒街衣,媽咪又話想打電話俾奶奶叫佢唔好再拎呢啲宗教嘢嚟煩我哋,結果奶奶又嚟鬧我,話我唔想去燒街衣咪直接講囉,點解要搵自己個媽咪出面…其實係你個仔搵我媽咪嚟過橋囉,關我咩事啫!

其實人妻不想直接拒絕奶奶,又不想因為宗教問題煩擾到娘家,所以對於兩邊長輩一直採用拖字訣…

呢啲傳統嘢真係好麻煩,唔係儀式麻煩係啲人好麻煩呀!我唔去燒街衣又得罪個奶奶,去咗又得罪自己媽咪!

人妻左右做人難,惟有向網民求助,不少網民建議樓主兩頭瞞,「我係你就唔會去,或者去咗都唔好講畀你阿媽聽」、「好女兩頭瞞.............」、「好攰就唞吓,佢要嘈唔好搭嘴睬佢」、「一邊燒,一邊大聲讀聖經得唔得?」、「有D野早早嚟個了斷, 你面對四大長老條路仲好長, 唔早早了斷有排你受~」。

也有網民指兩人已是成年人,結了婚,還要聽四大長老枝笛,「你自己冇信念㗎咩? 信基督教定係信燒香拜神果套?你自己揀咗,然後咪按自己心意去做囉~ 鍾意去燒衣咪去燒衣,唔想去燒衣咪唔去燒衣囉~ 係㗎啦,一開始梗有人唔LIKE, 但你明確表達咗立場, 以後咪唔駛再煩囉~」

對於網民的留言,樓主指好累,並表示不是要聽他們枝笛,只是沒必要為這些事同長老嗌交,「我同老公都冇信仰,所以連四角都冇拜咪一樣住得好地地,唔想兜口兜面拒絕唔想奶奶唔開心,點知畀奶奶誤會晒係我搵媽咪畀說話佢聽。」

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳