【爸爸悲哀】港爸拒買手機帶飯返工入院縫針 女兒嫌棄父親搵錢少︰真係好無用

育兒經 13:39 2022/08/09

分享:

分享:

港爸拒買手機帶飯返工,小學生女兒竟嫌棄父親搵錢少沒用。

小朋友容易受朋輩影響,有名港媽指女兒突然嫌棄爸爸沒用,爸爸只是生病留醫院沒工作、不買新電話予她、帶飯返工等,女兒就推測爸爸少工作賺錢少,更當面說出「爸爸你咁冇用㗎」。媽媽後來發現女兒原來受朋友仔影響,而朋友是吸收了其媽媽的負能量。

女兒嫌棄爸爸沒用

上周二(2日)有位化名「同學媽咪」的港媽向facebook專頁「生仔要考牌系列」投稿分享,題為「爸爸你咁冇用㗎」。事主指出老公整傷手去醫院縫十多針,放了幾日病假,女兒竟然沒關心爸爸,更隨口說了句傷透爸爸心的話,「爸爸你咁冇用㗎」。那時正值考試前夕,媽媽曾斥責女兒發夢不溫書,爸爸覺得可能是女兒有壓力鬧情緒而說出無心話。

最新影片︰

直到近日,女兒要求爸爸買新手機給她,原因說是同學都是用新手機,有自己的電話號碼可玩遊戲、傾偈。事主未有在內文直接提及女兒多少歲,但憑描述估計是小學生,她跟丈夫商討不買新手機予女兒,認為沒需要,而且家中已有新iPad、舊手機、電腦。

我同爸爸都覺得幾歲人仔唔需要用到手機,佢又唔需要自己放學返屋企,又唔需要自己出去補習買嘢,更加冇可能自己去街,我真係諗唔到理由要出一個手機號碼俾佢。

殊不知,女兒未能有新手機而發脾氣,再次嫌棄爸爸:「搵呢個爸爸真係好冇用,少少錢都出唔起。」

誤解爸爸為慳錢帶飯返工

加上,又有一次女兒問媽媽每日幫爸爸整飯盒,讓他返工帶飯是否因為爸爸沒錢,媽媽有解釋只是爸爸對花生敏感,食東西要盡量小心。可是,女兒不聽解釋,依然是覺得因為爸爸沒錢沒用。

以上種種令媽媽不明白何以女兒會變成如此,「幾歲人仔下下講錢」,她平心靜氣向女兒了解,經細問下,發現女兒受好朋友影響。其朋友仔分享爸爸搵不到錢給媽咪,媽咪亦覺得爸爸沒用,少家用兼早出晚歸,媽媽所說的話深深影響了小朋友,而小朋友亦影響身邊的朋友。

放負媽媽埋怨不可做闊太

事主知道後感心寒、驚訝及傷心,不明幾歲人仔會因為朋友仔講幾句變得冷漠。由於女兒朋友仔的爸媽是事主的舊同事,事主關心一下她。

言談之間佢承認因為老公搵錢少,令佢唔似其他媽媽一樣可以做闊太咁生活,亦承認因為老公經常做嘢而忽略咗佢哋。

事主提及女兒也因而受影響,該放負媽媽竟然不明白嚴重性,更說「咁幾好啊」、「你都唔使咁委屈」等。放負媽媽將女兒視作籌碼,有個女在手,男家不敢出聲,她介意老公給多少家用,自得其樂般「有錢咪煮多個菜,冇錢就最好屋企都唔好返」。

直到今日,放負媽媽繼續在同學媽媽谷大呻,其女兒繼續跟朋友仔分享「媽媽偉論」。為免再影響女兒的思想,事主決定不跟那兩母女接觸,避之則吉,為女兒轉校,「真心唔希望小朋友喺一個畸形嘅思想上成長」。

網民留言

    點擊圖片放大
    +7
    +6

文章獲「生仔要考牌系列」授權刊登

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳