【鋪鋪Poker】被吳若希追問與陳曉華緋聞感尷尬　方力申拖三大男神落水

J2台節目《鋪鋪Poker》由郭偉亮（Eric）、方力申及陳欣茵主持，本周六（8月13日）晚播出的最新一集，除繼續有葉佩雯（Grace）與Eric大耍花槍外，接力再有吳若希與老公Alex上演「爛賭夫+爛賭妻」。

出名是「虎妻」的吳若希，去到Poker枱竟由上靶變下靶，除了遭Alex無限「負評」及「白眼」，更無論手持爛牌或是好牌都遭老公一眼睇穿，加上吳若希七情上面的反應，整集節目氣氛極為高漲。

【香港小姐2022】「翻版孫藝珍」梁超怡IG藏性感泳照　吸引方力申+周柏豪追蹤

最新影片推介：Ben Sir+孫慧蓮專訪

Alex靠Poker重振夫綱

原來Alex是Poker高手，早於20年前左右已開始參加世界性比賽，連吳若希亦忍不住甜笑大讚：「好勁呀，我老公真係！」平時嘻嘻哈哈的吳若希，來到Poker枱上仍改不了大笑姑婆本色，更多番以「聲殺」包括「我啲牌好Pretty」、「我啲牌好Handsome」、「Wow Wow Wow」及「OMG」等擾亂對手Alex、小方及Eric視線。

可惜每次都遭老公一眼睇穿，更慘成三子圍攻及狂踩對象。Eric問Alex老婆在家中是否一樣經常嘻嘻哈哈，Alex停頓數秒苦思後竟爆出一句：「佢喺屋企咆哮多啲。」

自信十足的Alex為振夫綱，更三度在Poker枱上激動表示不介意自殘力證自己對愛妻睇通睇透，包括兩度大叫：「你（指吳若希）有蛇我切！」

更厲害的是，Alex連吳若希手持甚麼牌也瞭如指掌：「佢笑到咁，我同你講，佢一定中咗隻3！如果佢係3條，佢唔講嘢㗎喇。」被老公連環「踢爆」的吳若希全程只能「以笑遮醜」，Eric及小方亦笑得合不攏嘴。

除此，吳若希與Alex還分享了二人獨特的「夫妻的世界」。當Eric問經常公開畀老婆窒住晒的Alex到底有沒有底線時，Alex搞笑回應：「其實尊嚴係一早拍拖時已經冇咗，因為我有少少（享受）被虐嘅感覺，咁啱我老婆係鍾意虐待人嘅。」

吳若希聞言即反擊指是Alex「自己攞嚟」，邊說更邊大方分享Alex的「自虐」行為。

▼點擊圖片放大

+6

+5

小方被追問緋聞感尷尬

除了分享與老公不為外人知的相處樂趣，吳若希還化身娛樂新聞主持，大爆小方擇偶條件之餘，又追問小方與陳曉華緋聞孰真孰假，令小方尷尬到不得了。

小方另外又為「天生一副花弗樣」解畫，期間更拖埋謝霆鋒、陳冠希及余文樂落水，到底所為何事？

至於Grace則會大方分享當年Eric當眾求婚背後不為人知的秘密，Eric直指當年Grace回到家後整個人「呆掉」。