【夏蕙BB】黃夏蕙移民離港前發長文 夏蕙BB祝願香港社會未來棟樑:生活愉快

娛樂 13:42 2022/08/10

分享:

分享:

現年91歲的「夏蕙BB」黃夏蕙一向活躍於社交平台,又因每年農曆新年都配合該年生肖作出悉心打扮而大受歡迎。

夏蕙BB在6月初已於個人社交平台宣布移民,今日(8月10日)早上於社交平台發布「距離我離開香港22小時」為題的帖文,並送上祝願:「我祝願香港社會未來棟樑嘅每一個人,身體健康!」

最新影片推介:Ben Sir+孫慧蓮專訪

重看過往帖文

夏蕙BB提到她自己重看多年來在社交平台上的帖文,感慨地寫道:

當時,只係憑着一份長輩對小朋友照顧同關懷嘅心情,係最敏感嘅時間出咗呢段貼文,當其時,我身邊有好多朋友都鬧我,話我偏幫班後生仔,甚至有好多廣告商同商會嘅朋友,都透過我經理人截咗我九成嘅工作!嗰段時間,我同Simon彷彿被商界隔絕!不過我同經理人都無後悔!我哋唔係特別有錢!唔係特別偉大!亦唔係特別慈悲!

然後她指年青人是社會未來棟樑:

我哋只係知道,年青人係每一個社會嘅未來棟樑,玉不琢不成器!不過喺雕琢嘅過程中,必須要循循善誘咁教導佢哋,時代唔同啦! 60年代家長可以體罰小朋友,90年代家長打小朋友係犯法!受軟唔受硬呢個道理,我相信每一個人都會明白,不過,又有幾多個家長可以去到呢個境界呢?因為家長永遠背着一份高高在上嘅尊嚴,又點可以低低望向小朋友佢哋意思嘅行為呢?

點擊圖片放大
+4
+3

夏蕙BB送上祝願

她續指:

我相信呢段貼文,有好多唔同政見嘅人都有留言,不過,我只係睇到大部份唔同政見嘅人,睇到呢件事,都懷着大愛嘅心去擔心呢班小朋友!睇到佢哋嘅回應,我自己眼角那情不自禁滲出了淚水,比佢哋回覆嘅內容感動到。係度,我都好多謝我經理人小肥豬Simon係最艱難嘅幾段時間,願意犧牲自己搵錢嘅理念,陪我一齊渡過。我祝願香港社會未來棟樑嘅每一個人,身體健康!生活愉快!有緣再見!

未有透露移民地點

黃夏蕙早前在個人社交平台宣布移民,也感謝經理人把她從人生低處走出來:「一齊共同努力左十年,佢見證住我人生最低潮嗰一刻,亦在我最低潮同黑暗嘅年代,幫我重新包裝形象,由D&G事件開始,叫我關心社會事情,教我用搞笑嘅手法,與民同樂。呢段時間,雖然艱辛,不過真係好開心!」

同時,她又提到:「我只會同大家講,我無論身處世界某一個角落,我都會好掛住大家」。

上頭炷香

每年必到黃大仙祠上頭炷香的夏蕙BB,均配以出位獨特的生肖造型示人,夏蕙BB曾接受TOPick訪問,大談為何堅持年年上頭炷香。

夏蕙BB表示年年都搶上頭炷香,原因是黃大仙能帶給她好運,而且黃大仙靈驗之餘亦導人向善,她有信心黃大仙會保佑她,所以十年以來從不間斷。「我好神心,這是我的信仰,我覺得每年來上香,我就一定要繼續(上頭炷香)。

她也訴說了背後的另一個因由,原來夏蕙BB以往曾有四位好友同行,包括鳳凰女、鄧碧雲等,可惜的是他們已相繼離世。四位好友都各自曾有一年沒有上頭炷香,「現時四人都離開了,更令我很驚慌,她們都一直有陪我來(上頭炷香),有一年無來,就出事,現時只剩我一個,所以我覺得心裡不舒服。」

點擊圖片放大
+3
+2

撰文 : TOPick柴犬出動