【意外步出】人妻梁諾妍真情對話淚灑營地 施焯日喊住講︰好有家人感覺

娛樂 15:31 2022/08/12

分享:

分享:

《意外步出》今晚(8月12日)在J2 82台播出最後一集,承接上集繼續拯救「助教」Mimi行動,隊長梁諾妍(Inez)引領學員馮子亮(Liam)、施焯日(Arthur)與杜穎珊(Sandy)學以致用。

繼上集導演在烈日當空下中暑,今集到Liam出事,原來是因為失溫。經常出意外的Liam,絕對有資格成為《意外步出》代言人,整輯節目都未受過傷的Sandy,在最終回終於不敵大黃蜂,被螫了一下小腿。

點擊圖片放大
+11
+10
  •  
  • 今晚在尋找Mimi過程中,三位隊員會將過往13集所學,包括判斷傷患情況、治療、包紮、搬擔架等技能,運用在Mimi身上。

    在運送中途Liam請纓到海中為團友取午飯,怎料因此「出事」。因為在暴曬後落水,體溫驟降太快以致失溫,需要保暖同休息,幾經辛苦終於將Mimi帶回營地,一行四人終於可以休息,由Liam同Arthur負責用打火石起火。

    圍著營火的4人為整個節目真情剖白,最先發言的Arthur謂︰「第一次feel到我哋係一個團隊,對我嚟講係一種認可,大家好似一家人,感覺好溫馨,好多時拍劇,大家收工就算喇,鏡頭前我哋辛苦,其實工作人員都同我哋一樣辛苦。」

    點擊圖片放大
    +8
    +7

    講到一半Arthur已經眼濕濕︰「屋企人都有睇嘅,最開心睇完,我做啲嘢出嚟,屋企人都好proud of我。」他接受訪問時指拍攝雖然辛苦,但體重反而增加近2公斤︰「肥咗可能係肌肉多咗,第一次拍節目第一次咁有感觸,好有家人嘅感覺。」

    人妻Inez自言是捱得之人,但今次是人生中數一數二的辛苦︰「估唔到3個咁後生都好捱得,啱啱做嘅時候,3個係個體。到最後一集,睇到佢哋成長,大家感動係因為呢個節目好辛苦。」Inez講到一半已經忍不住哭了出來。

    點擊圖片放大
    +8
    +7

    Liam雖然跟Arthur是同期學員,但這次是第一次合作開工︰「拍完呢個節目增加應變同反應,同Arthur係生死之交,雖然之間好多磨擦,由磨擦到進步大家磨合,感情好咗,好多嘢可以心照。唔知點解呢幾年香港人多咗隔膜,但係當經歷苦難之後,團結嘅心可以係咁。」

    一直都倖免受傷的Sandy,終於被黃蜂螫中小腿,她指開始時沒想過會用這種形式拍攝,她知道期間Liam同Arthur,為自己頂了不少艱辛的工作。

    最新影片推介:Ben Sir、孫慧蓮專訪

    緊貼MIRROR演唱會舞台事故發展:https://www.hket.com/page/408

    撰文 : TOPick柴犬出動