【好人好事】太古城3父女飛奔2個站追巴士 熱心車主驅車請司機留步

育兒經 11:26 2022/08/15

分享:

分享:

有熱心車主見到3父女追巴士,為咗唔想令佢哋失望,更開車請巴士司機留步。

好人好事,太古城3父女飛奔追巴士,熱血車主更驅車幫忙追巴士。日前,一段長約1分41秒的車cam片在網上瘋傳,3父女送巴士車尾,然後窮追不捨該輛巴士,有私家車男車主見狀,更不理後果,開車幫忙追巴士,讓3父女成功趕上巴士。

最新影片推介:

該段影片由網友「Brian Fan」上載到Facebook的車cam L(香港群組),影片清楚看到一名背着鮮紅色書包的爸爸,拖着2名女兒在行人路上狂奔追巴士,當追到巴士站時,卻望著巴士駛離送車尾。3父女未有因此放棄,更窮追不捨該輛巴士,直奔到下一個站,為了加快腳步,該爸爸原先拖著年約5歲的幼女,過了馬路後,便甩開幼女的手,自己一支箭跑去追巴士。

身穿彩藍色上衣的私家車男車主恐3父女趕不上,即決定驅車加速跟着巴士到下一個車站,男車主落車飛快地跑到巴士旁,著司機稍等,熱心車主向剛趕到巴士站的爸爸點頭及指一指巴士示意,然後便跑回自己車上,3父女亦成功登上巴士。

貼文一出,即引起網友熱議,有近千個留言,指爸爸拖住兩個女也跑得好快,並大讚男車主好熱心、好有愛,「希望香港地有愈多呢種不計回報嘅人令社會有更無私嘅愛」、「爸帶住兩個小跑手計一計用咗47秒由路口跑到追到巴士,好犀利嘅速度。。。樓主好熱心幫人」、「香港竟然重有呢d 人。Good 」、「樓主有呢份熱心,尊敬你,多謝你」、「將呢種精神帶入辦公室,大家都肯換下水就好」,不過也有網友指男車主又衝黃燈加速又停雙黃,希望爸爸不要再這樣追巴士,小朋友不同大人,唔希望有意外發生。

點擊下圖,即睇留言:

    點擊圖片放大
    +11
    +10

 

【獨家優惠】限時搶屈臣氏網店購物滿$450減$50折扣碼︰https://bit.ly/3Aa0qvT

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/3sEeM3Q

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳