【失衡凶間】蘇麗珊新片演「探靈KOL」 被火花濺傷感灼痛仍繼續演戲

娛樂 13:54 2022/08/17

分享:

分享:

《失衡凶間》

蘇麗珊在港產片《失衡凶間》的其中單元《死場》內飾演「探靈KOL」,帶著攝影機在商場探險,更身陷險境,期間她追拍私家車著火一幕,與火花零距離,結果心口被灼傷,但她忍痛頂硬上,揚言:「導演一日唔嗌Cut,我都要繼續演!」

戲中蘇麗珊追住一架著火的私家車在街上跑,她眼看私家車被大火吞噬,事後問她驚嗎?她口震震地說:「嘩,好大火,好震撼,原來我隔咁遠都感到啲火好熱!」

衣服被燒穿

之後她要拍攝呆望私家車被大火吞噬而落淚的鏡頭。劇組以燒焊製做火花效果,而蘇麗珊被火花正面噴,穿著短裙的她表現淡定,而導演和工作人員就好緊張。

拍攝時,多次問她是否還可以,她做手勢示意無問題可以繼續拍攝,同時她一直保持傷心流淚,交足戲。拍攝背面時,陳果導演親自跪在地上,用白紙遮擋蘇麗珊的臉試位,然後親自提攝影機拍攝。

一切都順利,直到最後一個鏡頭完結,蘇麗珊坦言心口被灼傷:「我以為著住外套會無事,點知啲火花咁古惑,飛到入去仲燒穿咗裏面件tee,有個窿,當時心口位有少少痛。」

她檢查衣服被燒穿窿的地方和自己後,說:「只有一點紅咗,無事。(你當時做乜唔走開?)導演一日唔嗌Cut,我都要繼續做!」

蘇麗珊自認細膽

蘇麗珊坦言是陳果導演的小Fans,說:「知道拍陳果導演嘅戲時好開心,我做咗好多功課,分析佢嘅鏡頭角度,講故事嘅方式。合作後發現佢好Nice,成日親自演繹令我哋更了解,好清晰,所以拍得好順利。最初得知呢個故仔大部劇情喺商場拍攝,好好奇得一個景唔知會係點,結果越拍越覺得有趣,好緊張刺激。」

她在戲中飾演「探靈KOL」,性格大膽,喜歡冒險,她說:「普通人喺廁所發現死屍,肯定嚇到掉頭走,但我嘅角色就係去搵出真兇。(你真人都係咁大膽?)唔係,我非常細膽,連鬼故都唔敢聽,所以今次演呢個角色好大挑戰。」

最新影片推介:Alice專訪

撰文 : TOPick柴犬出動