【暖心爸爸】創意無限由城堡變火箭飛船 陳柏宇為女兒做紙皮窩居

育兒經 11:10 2022/08/23

分享:

分享:

24孝爸爸陳柏宇,為咗囡囡開心,絞盡腦汁為Abigail製作紙皮窩居。

3歲因父母離異而入住聖基道兒童院的陳柏宇(Jason),經歷過去,對家庭有更深的領悟,他與模特兒太太符曉薇(Leanne)於2018年誕下愛女陳羿辰(Abigail),期後他有女萬事足,不時於社交平台上上載女兒照片,更被稱為「曬B狂魔」,最近他為了女兒開心,再次大騷手藝,利用紙皮箱製成城堡再變火箭飛船,仲有燈有風扇,小窩居創意無限,勞作攞滿分。

呢個係陳柏宇為女兒親手做嘅「亞標移動城堡」,Abigail打開個窗同媽咪打招呼。(IG cap圖)

最新影片推介:

24孝爸爸Jason曾向TOPick說,就算要工作,放假要湊女也不覺辛苦,

湊女唔辛苦,放假及工作空餘時間都會湊女兒,唔係只當一般嘅爸爸,而係好想自己都有份去照顧,有時間都會同佢去玩,同佢去食飯,同佢周圍去……

經改良後的「陳家舒適小窩居」。(IG cap圖)

Jason不是齋講唔做,他比一般的爸爸更盡責,工作以外,全天候陪伴愛女Abigail,不時花心思自製小勞作,曾自製眼鏡及軚盤,最近又一力作,「陳家舒適小窩居」,為求完美,Jason絞盡腦汁將原先的「亞標移動城堡」再進化,變成火箭飛船。

日前,Jason將「亞標移動城堡」的完成品上載上instagram,從短片所見,躲在城堡內的Abigail玩得好開心,還將半個pat pat伸出窗外,並對著媽媽Leanne說:「俾你咬(pat pat)囉!)」,之後Abigail逐一將家當取出,如;水壺、walker talker、switch…等等,Leanne更大讚城堡有燈,仲可以開的。

躲在城堡內的Abigail玩得好開心,更將半個pat pat伸出窗外,並對著媽媽Leanne說:「俾你咬(pat pat)囉!)」(IG cap圖)

翌日,Jason再上載另一個改良版的post,他更親身逐一介紹,「呢個就係Abby嘅新屋喇,寫住Abigail,外面有個窗門,佢係一個rocketship(火箭飛船),Abby話後面有噴水同噴火,跟住有個窗門,呢度係一度門,有得閂門,佢自己喺裡面,裡面有佢嘅擺設,有燈,有風扇,上面再有個燈,再按係黃燈,呢度有個窗門,非常之舒適嘅窩居。」

Abigail 從小窩居取出水壺同walker talker。(IG cap圖)

貼文一出,網友驚嘆不已,大讚他好勁、好用心,「有埋燈,爸爸好勁呀!」、「呢個豪宅冇得頂」、「天花的燈好勁呢」,有網友更笑指這個窩居真係住得人!

    點擊圖片放大
    +12
    +11

【獨家優惠】限時搶屈臣氏網店購物滿$450減$50折扣碼︰https://bit.ly/3Aa0qvT

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳