【音樂天才】蘇永康當年被父拒學打鼓　5歲仔圓夢爆發打鼓天份

育兒資訊

發布時間： 2022/08/24 15:14

最後更新： 2022/08/24 17:31

熱門超市大搜查名校專區黃子華糖尿病焚城靚媽精明眼藥物百科高才通北上攻略會員有獎

▲ 蘇永康囝囝Jazz遺傳了爸爸嘅音樂天份，5歲仔已經打得一手好鼓，將來可以一齊開騷。

2014年10月蘇永康(阿公)迎娶第二任太太馮翠珊（Anita Fung），2017年便誕下囝囝蘇展弘（Jazz），亦因為阿公愛唱爵士音樂，所以囝囝的英文名也取名Jazz。

▲ 蘇永康同太太對兒子很開通，Jazz想學乜都會俾。(IG圖片)

最新影片推介：

5歲的Jazz，可說是學足十八般武藝，能文能武，不單止遺傳了爸爸的音樂細胞，就連游水、踩滑板、踩rollar皆能，更曾獲「詩歌散文朗誦評賞」二等榮譽，而爸爸小時候好想學打鼓，Jazz也替爸爸圓夢。

▲ Jazz喺Tom Lee即場表演打鼓，真係打得好勁！(IG cap圖)

日前，蘇永康在社交平台post了囝囝一條37秒的打鼓短片，Jazz在Tom Lee即場表演打鼓，節奏感強勁的Jazz，打鼓有板有眼，阿公更有感而發表示自己大約得4歲的時候，向爸爸提出想學打鼓，點知遭爸爸一口拒絕，

大概都係Jazz現在的年紀,我同我爸爸講：爸爸我想學打鼓！我得到的答覆是：康,學打鼓無用㗎⋯⋯

從小到大我非常尊重家父，但其實佢有很多睇法我從來都不認同(但從來不損我對他的愛)

▲ Jazz遺傳了爸爸嘅音樂細胞，將來分分鐘後浪推前浪呀！(IG圖片)

阿公不認同爸爸的睇法，遺憾當年未能學打鼓，不過去年囝囝想學打鼓，他即一口答應，將打鼓的夢交給Jazz，

到 Jazz 4歲問我可否學打鼓？我想也不想就答應，我真的不知道現在你學習的一切對你將來有什麼用！？我只希望你從學習中得到快樂⋯keep it up & keep enjoy yourself my son

#但願我能給你一個更像天堂的地方

▲ 3歲嘅Jazz，初接觸打鼓，已經埋下對打鼓嘅興趣，當時更有大師傅KB在旁親授。(IG cap圖)

其實Jazz在3歲時，初接觸打鼓，在LMF鼓手KB(李健宏)陪伴下，一打愛上，阿公看到兒子打鼓更忍不住讚Jazz天生有拍子感，4歲已學識睇樂譜打鼓，但不是天才兒童，天才4歲便看得出來，他可以感受到已經很開心。

名師真係會出高徒，不過拍子感呢樣嘢係天生嘅，後天教都敎唔嚟⋯⋯Enjoy Jazz & thank you Uncle Kevin @kb_kevinboy

#天份很重要

#唔好比佢停

#好好享受

#babisojazz

#但願我能給你一個更像天堂的地方

▲ 去年尾，蘇永康帶埋Jazz去皇家加勒比，佢仲話：I believe Jazz can FLY！(IG cap圖)

節奏感強一致讚好

小小年紀的Jazz打得有力，節奏感超強，他的打鼓天份，被音樂人雷頌德大讚「Very good omg！」並同時獲李施嬅、胡家欣、杜如風同胡杏兒老公都讚他叻叻，而Jazz更獲網友一致大讚，「Wow…Jazz實在很有天份勁啊」、「Jazz打得好好呀！好有節奏感！加油！」、「Jazz好叻，童年回憶勝過一切，記一世」、「4歲，節奏感100分」，有網友更指有屋企人支持好緊要「係愛呀！加油！」

▲ Jazz打算送爸爸名曲《男人不該讓女人流淚》嘅打鼓片段，作為爸爸55歲嘅生日禮物，不過最後唔小心被爸爸發現了個video而提早曝光。(IG cap圖)