何雁詩產後兩個月極速修身 新手媽媽分享秘訣:紮肚真係好有效

娛樂 17:38 2022/08/29

分享:

分享:

新手媽咪何雁詩

今日(8月29日),新手媽咪的何雁詩(Stephanie),產後短短兩個多月首次公開亮相,出席商場活動。Stephanie一踏進場內「晝夜雨林體驗館」被漫天螢火蟲的大自然隱世美景包圍,難掩興奮心情,按耐不住擺出少女pose打卡留念。

Stephanie產後極速修身成功,身材fit爆、活力十足,臉上更多一份幸福笑容。

她笑言:「紮肚修身真係好有效,而家修身修得七七八八。誕下Asher後每日忙於照顧BB,少有機會自己出嚟玩。依家囝囝差唔多3個月大,陪月姐姐兩星期前功成身退後,我就無瞓過,開始掛住佢!今日難得忙裡偷閒,一定要把握機會影多啲靚相『偽旅行』抖一抖!」

一向熱愛動物的Stephanie於「雨林動物保育基地」互動遊戲區內,敏捷地找尋雨林珍稀動物。

及後,她表示:「無出埠旅行好耐,對上一次去美國野生動物園印象最為深刻。期待等仔仔大個啲有機會一齊去亞馬遜探險,親眼見識壯觀嘅大自然同埋野生動物,留多啲美好回憶!」

最新影片推介:胡定欣專訪

撰文 : TOPick柴犬出動