【隔離童話集】陳凱詠完騷不捨落淚 湯駿業感謝譚玉瑛仗義客串

娛樂 16:34 2022/08/30

分享:

分享:

一連21場的《隔離童話集》圓滿結束。

梁祖堯、湯駿業、邵美君、趙學而及Jace陳凱詠主演一連21場的《隔離童話集》,昨晚圓滿結束。經歷了颱風襲港及替補演員上陣等波折,眾演員有驚無險的演出;譚玉瑛姐姐加盟演出,為觀眾帶來了無限驚喜。Jace對於演出依依不捨,完Show在台上已經淚崩。

首度參與舞台劇演出的Jace,昨晚尾場謝幕時眼淚已自動滴個不停,她坦言:「上年做完自己演唱會,頭幾日未意識到不捨,之後先發現完show後遺症好嚴重。今次舞台劇,如前輩們講,感覺好直接好真,感受到21場裡面觀眾嘅喜與悲,同我哋一班演員同步發生,劇場力量真係好強大,好多謝呢班咁有愛嘅台前幕後,同埋觀眾、Fans,咁有愛去睇呢個舞台劇。」

Jace不捨淚崩。

Jace這次演上癮,更揚言再有機會必定會參與舞台劇演出,而且更希望有機會參與音樂劇的演出。

除了學而及Jace參與《隔離童話集》演出外,另一個觀眾驚喜,就是找來譚玉瑛飾演本尊。Ah Dee十分感謝對方參與。「要勾返起大家童真,就要搵一個人所共知嘅象徵,所以得到譚玉瑛姐姐。佢都係成長年代睇住我哋大嘅一個好特別嘅前輩。都係膽粗粗問Friend攞電話,佢二話不說話:『好呀!玩呀!』所以好感動。」

他指程譚玉瑛姐姐超級專業,一埋位已經背好劇本。「演嘅時候見到真人,令我更加知道角色點做,因為見到真正嘅譚玉瑛姐姐,諗返起我嘅成長,到而家經歷咁多事,變成今天嘅自己。」

譚玉瑛客串。

這次風車草劇團再一次經歷颱風襲港影響演出日程的情況,另一個考驗是劇中有演員的家人確診,令劇組要作出應變,阿君道:「近期好多香港劇團都有替補演員嘅策略,佢哋會準備唔同角色對白,一旦疫情而影響可以有替補演員頂上。今次做到中段有演員屋企人確診,係密切接觸者,立即做核酸檢測,按照程序做晒測試同隔離後發現冇事,之後亦可以歸隊,係一次好驚險嘅情況。」

演出感動。

這次首度獨自創作劇本的阿祖,刻意在劇中加入大量歌曲,其中一首歌就是MIRROR成員柳應廷MIRROR〈人類群星閃耀時〉。

阿祖表示這歌啟發了今次創作靈感:「通常作為編劇寫一個戲時,會聽住歌嚟寫,今次《隔離童話集》就係一路聽住〈人類群星閃耀時〉,好有感覺,當一個人經歷晒所有嘅嘢,好與唔好、快樂與哀愁,人生彷彿走到盡頭進入靈魂狀態,喺一片繁星星空裡面時,望返轉頭,自己擁有過乜嘢呢?其實可能只有愛可以喺靈魂裡面仍可感受。」

最新影片推:胡定欣專訪

撰文 : TOPick柴犬出動