【有個閨密叫祖藍】苑仔憶述拍《封神榜》遇母中風 苑瓊丹悟出婚姻之道:放任

娛樂 13:28 2022/09/05

分享:

分享:

苑瓊丹於節目分享對婚姻和親情的看法。

現年59歲的苑瓊丹(苑仔)加入演藝圈多年,無論演戲經驗和人生閱歷也十分豐富,早前她作客王祖藍的節目《有個閨密叫祖藍》,憶述當年親暏前度偷食,大受打擊的苑瓊丹不時「換畫」。

另外,而亡母的離世令苑瓊丹有所頓悟,亦明白婚姻之道,苑仔既是抱持「放任」態度:「你鍾意做咩?隨便!信任係會有要求喺裏面,放任係一啲要求都冇。」

【有個閨密叫祖藍】苑瓊丹加入TVB首周返亞視喊 自認八卦:收埋好多黑材料

最新影片推介:古天樂劉青雲專訪

每滴都是真眼淚

昨晚TVB播映由王祖藍擔任主持的節目《有個閨密叫祖藍》第6集,擔任嘉賓的苑仔無所不談,大談對事業、愛情及友情看法,盡顯其真性情。

於2001年播映的《封神榜》可說是苑仔代表作,她飾演「殷十娘」一角,苑仔坦言劇中每滴都是真眼淚,皆因無論當時自身真實處境或是角色背景,均是「忠孝兩難全」。

苑仔說:「嗰時要返內地取景一個月,冇幾耐屋企人打嚟話我阿媽中風。我當時搵監製:『如果媽咪嚴重我要即刻走』,第二日我媽打嚟勸我唔好走,叫我做埋佢。」

    點擊圖片放大
    +9
    +8

說到此處,苑仔苦笑兼眼紅紅,她說:「依家都忍唔到添……你屋企人有事,你又要堅守工作,係忠孝兩難存嘅。到我返香港落機,見到媽已經瘦晒,動作唔係好靈活,因為我好少離開屋企咁耐,所以我媽嚟接機。」

祖藍說苑母應該好掛念女兒,苑仔說:「你諗吓佢啱啱出院,係好難受嘅事……所以《封》對我嚟講係唔使用眼藥水,係一個最成功而又最難受嘅日子。」

苑仔年輕時母親合照。(網上圖片)

錯過見最後一面

說到此處苑仔不斷拭淚,並謂希望觀眾朋友能多點支持演員們:「因為演員係好身不由己嘅職業,當你開始咗話唔拍,咁邊個承擔損失?」

之後,苑母於苑仔離港工作期間與世長辭,令苑仔決心減少接離港拍戲的工作:「嗰時返內地拍第一部做女主角嘅戲,我媽就突然中風走咗,我係搭飛機趕返嚟,第二日再飛返番劇組。」

「逆轉Truth Or Dare」齋睇畫面都知過癮。

目睹男友偷食

有此經歷,苑仔亦因而有了頓悟:「我成日勸我啲朋友,『唔好以為每日返屋企,你阿媽煮飯畀你係理所當然』,同埋唔使有好消息,冇壞消息就係最好嘅消息。」

母親離世除令苑仔明白世事無常,亦讓苑仔在愛情方面有所成長。事緣她曾因目睹男友偷食大受打擊,更一度不再相信愛情。

苑仔說:「點解後尾我咁多男朋友呢?因為覺得冇所謂,個個都係咁架啦,冇咗甲又有乙、冇咗乙又有丙。到我媽媽走咗之後,我睇番轉頭其實你唔好淨係睇人缺點,你要睇到人優點先得,咁好多嘢就唔會計較。」

2001年苑仔與「玻璃大王」黃乃掦相親後一見鍾情,並於2004年11月於美國結婚,二人結婚18年。

    點擊圖片放大
    +7
    +6

「美滿婚姻」獨特看法

現在苑仔學會感恩,並對「美滿婚姻」有獨特看法,「有個人喺旁邊不斷支持你其實係一件好事。最美滿嘅婚姻係咩?係放任。你鍾意做咩?隨便!信任係會有要求喺裏面,放任係一啲要求都冇。」

另外當提及當年前度偷食事件,已看得很開的苑仔說著說著更搞笑地拿祖藍開玩笑:「嗰日我諗住去佢屋企畀驚喜佢,見冇人咪匿埋先。之後聽到有人講嘢同開門閂門聲,行出去一睇見到佢同個女仔親熱喎,我直頭啲血由對腳衝上個頭,真係嚇親。」

苑仔跟黃乃掦結婚18年。(網上圖片)

【灣區藝人】苑瓊丹開中介公司助年青人北上 為香港青年感慨:他們不知道想做甚麼

之後,她更指著祖藍說:「佢仲要好似你添呀,一個大鼻仔,個樣仲要好謙厚。」祖藍聞言即反擊謂:「你唔好咁講呀,我以為係黃光亮架。」場面爆笑。

而在其中一個任務「逆轉Truth Or Dare」中,苑仔自揭拍攝《九品芝麻官》中的經典對罵場口時瘋狂NG,令她立定決心重返電視台修煉:「直頭NG到我唔敢再拍電影,雖然(段對白)係好難,但你收得人錢就要做得到,無論點都唔係藉口。」

撰文 : TOPick柴犬出動