【Proof求證】王菀之為演出落幕不捨 最難忘老公捧場:佢用另類方法支持

娛樂 13:00 2022/09/05

分享:

分享:

《PROOF求證》14場演出昨晚來到尾場。

王菀之舞台劇《PROOF求證》14場演出昨晚來到尾場,一眾演員及工作人員演出過後都十分不捨,開心流連在舞台上影大合照留念。

14場演出外間口碑很好,不少人大讚Ivana演出精彩,又指陳淑儀、陳康、吳鳳鳴演技出神入化。對此Ivana表示十分感動。「昨晚最後一場,我覺得整個團隊都做出100分,大家好享受舞台上每一刻。我真心好多謝陳淑儀、陳康、吳鳳鳴,他們教了我好多,跟他們做戲是一種享受!另外好想多謝導演司徒慧焯!大家百份百投入做呢個劇,所以我訂了好多嘢食比大家,當係一個小慶功!」

Ivana指陳淑儀、陳康、吳鳳鳴演技出神入化。

不少人問會不會再做part 2 ,Ivana直言的確她手上的waiting list很長,冇飛俾到朋友睇,但仍在考慮要否重演。「 真係唔知,工作上面好多安排,自己又多心,如果再做又想試其他角色,呢一刻真係答唔到呀。每日穿過虎道門化身Catherine,團隊問我有冇唔捨得?我最初係答『冇』。 因為每日演呢個角色,已經到精神極限,唔想再經歷呢個可憐女仔,我想盡快逃離Catherine的世界。 但又唔知從何時開始,Catherine住進了我心裡,個腦隨時都會響起舞台劇的音樂,個心好重,好深刻好難忘,原來我都係會唔捨得。」

這次舞台劇,不少圈中前輩好友也有來支持,如汪明荃、許鞍華、毛舜君,梁祖堯、陳慧琳、謝安琪、吳君如、陳可辛、Serrini、伍詠薇、張繼聰、Donald、方力申、潘燦良、蘇玉華、謝君豪等等。

阿姐捧場。

問Ivana哪一晚來看的嘉賓讓她最大壓力?Ivana想了想答:「今晚,因為今晚老公嚟咗睇,哈。佢係到就有少少壓力。佢剩係睇尾場,話撐closing。(老公睇完有咩評語? )冇呀,佢從來唔會俾咩意見,不過佢有佢另類方法去默默支持我。」

完了14 場演出,Ivana瘦了十幾磅。「大家已經開咗個盤,睇下我幾耐會反彈肥番,有人話幾日,有人話七日,我自己話聽日,哈哈哈,我會放假兩日先,休息完就歸隊《飯氣攻心》啦,另外自己我重有音樂上面計劃同其他工作,都一路會忙落去。」

最新影片:古天樂劉青雲訪問

撰文 : TOPick柴犬出動