【紀念日】男人聚會7成忘記結婚紀念日 鄭丹瑞專欄:記錯日子要打300大板

親子 11:43 2022/09/06

分享:

分享:

結婚紀念日不能搞錯。

「有無人會唔記得自己嘅結婚紀念日?」好事之徒在損友吹水群組上載了這個問題,回覆十分踴躍,接近七成損友會間中忘記自己的結婚紀念日。隨着年紀漸長,大家就更加振振有詞地認為自己老了、無記性了,值得原諒。

「有無兩公婆一齊唔記得咗自己嘅結婚紀念日?」好事之徒再問大家。結果相當嚇人,因為只有一位損友舉手,是損友甲。某年結婚紀念日,他和太太到高級餐廳吃晚飯,撑枱腳的時候,收到好朋友來電祝福,然後問:「尋晚結婚紀念日去邊度威呀?」損友甲和老婆大人兩個面面相覷,原來兩個都一起記錯了日子。「你兩公婆果然好合拍。」好朋友知道他們擺烏龍,記錯結婚紀念日之後,哈哈大笑地說。

最新影片推介:

「咁唔算係唔記得咗自己嘅結婚紀念日,只係記錯日子啫。」損友甲企圖狡辯。「咁仲衰!」一眾損友群起攻之。「你可以因為事忙唔記得,仲情有可原,但係點可以記錯日子?」損友乙率先吹起揶揄我的號角。

「我知道你對節日一向都無乜好感,人哋出去慶祝,你就匿埋喺屋企大覺瞓,但係,結婚紀念日並唔係其他你唔重視嘅節日,咁都搞錯,抵打三百大板。」損友丙接力。

我心中一凛,忽然醒起:咦!自己的結婚紀念日快到了,幸好得好事之徒無聊一問,提醒了我。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

撰文 : 鄭丹瑞