【兒童蛀牙】女兒牙痛照X光驚揭8隻蛀牙 張嘉兒:已經早晚刷牙加用牙線

育兒經 11:17 2022/09/07

分享:

分享:

張嘉兒女兒牙痛,X光才發現有8隻蛀牙。

有報告指出,一半5歲香港兒童都有蛀牙,張嘉兒6歲的長女(Leora)也是其中一人。張嘉兒的女兒2個多月前感到牙齒不適,嘉兒誤以為她是敏感牙齒,因牙醫肉眼check不到蛀牙,直至兩星期前女兒又喊牙痛,在X光下震驚發現Leora有8隻蛀牙,嘉兒詫異地說:「聽到都驚!」

日前,張嘉兒長女Leora因再次牙痛要去見牙醫。(圖:Mama College facebook)

最新影片推介:

「媽媽,我牙痛呀!」,張嘉兒長女Leora,兩個多月內喊兩次牙痛。嘉兒接受TOPick訪問時表示,今年6月,Leora第一次表示牙痛,嘉兒帶她看牙醫時,牙醫逐一敲打她的牙齒檢查,肉眼看上去沒有蛀牙,之後也沒有再痛,

Leora檢查完,再照x光,發現有8隻蛀牙。(圖:Mama College facebook)

Leora嗰兩日牙痛都係食完一啲凍嘢就覺得痛啲,佢食完一個凍西瓜同一個雪完嘅飯團,我就以為佢係敏感牙齒,但都有帶佢睇牙醫,當時個牙醫肉眼睇就check唔到,冇話蛀牙…

直至兩星期前,Leora又喊牙痛,嘉兒有感女兒突然間又再痛,相信不是敏感牙齒咁簡單,立即帶女兒睇牙醫,這次一定要照x光,

今次去照x光,一照就發現8隻蛀牙,點解有8隻咁多呢?其實係全部蛀晒大牙啲隙位,蛀喺條隙度,左右牙齒都會掂到,蛀8隻係幾嚴重,聽到都好驚,點解唔經唔覺蛀得咁快!

牙醫指,因為小朋友的乳齒容易蛀牙,加上神經好近琺瑯質,好快蛀到入去,因此Leora會覺得痛。經過診治後,Leora8隻蛀牙,有些只需簡單的補牙,但有些要擺個鐵模去處理,今個星期内要再去補牙。

張嘉兒提議大家唔好用咁耐奶樽嚟餵奶,早啲轉杯,咁就可以減少對牙齒有害嘅風險。(圖:Mama College facebook)

嘉兒表示,每日早晚都有幫她們補刷牙,更會用牙線,但可能忽略了女兒一些壞習慣,導致蛀牙,

譬如佢有時會含住啲嘢含好耐,又或者佢哋飲水飲得少,變咗食完啲嘢嘅糖份令到牙齒個酸性好高,容易蛀牙,應該要鼓勵佢哋多啲,每次食完糖及餐後都要飲番多啲水。

Leora與一般小朋友一樣,不喜歡牙膏的味道,所以長久以來都選用沒有fluoride(氟化物)的bb牙膏,但牙醫卻建議一定要用含有fluoride的牙膏,牙齒才會健康,

佢由細到大都好腌尖,話啲牙膏啲味唔好味,又唔係好鍾意吐出來,吐嗰方面唔係咁叻,所以只係用bb牙膏,依家當然有用啦!

幼女baby Hannah早已使用含fluoride的牙膏,嘉兒也想提醒媽媽們,當小朋友懂得漱口時,及早轉用有fluoride的牙膏,而bb一出牙都可以幫bb刷牙,並鼓勵大家定期做牙齒保健,check下小朋友的牙齒乾唔乾淨?健唔健康?

小貼士分享

另外,嘉兒有一些小貼士與TOPick讀者分享,希望大家的小朋友都可以減少蛀牙,擁有健康牙齒。

唔好用咁耐奶樽嚟餵奶,早啲轉杯,咁就可以減少對牙齒有害嘅風險,仲有好多人以為飲果汁係健康,其實飲果汁未必健康,因為有時果汁都有好多糖份,仲有個有趣嘅point,就係牙醫同我講,話可以試吓食完早餐先刷牙,都make sense,因為臨瞓之前刷咗,起身未食嘢,咁食完嘢刷牙咪可以刷走番口腔啲嘢,我依家都有咁做!

    點擊圖片放大
    +4
    +3

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/3sEeM3Q

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰林碧洋

鳴謝:Mama College