【人間英靈】葉巧琳為拍攝MV練功整到周身傷 推實體碟被網上炒貴十倍

娛樂 13:29 2022/09/07

分享:

分享:

葉巧琳推出單曲《人間英靈》。

歌手葉巧琳最近展開了她的年度企劃《The Odyssey of Freya》並推出了單曲《人間英靈》,MV中她化身成為北歐神話女神Freya,與一班強者對抗外敵打到落花流水。
 
熱愛打機,特別是RPG遊戲的Mischa,最近夢想成真,將打機結合音樂,在她為期一年、結合遊戲世界的音樂企畫《The Odyssey of Freya》中,Mischa的首支新歌《人間英靈》MV便親身上陣,飾演Freya一角在遊戲世界中拿起武士刀打大佬。

【人間英靈】葉巧琳比男友更愛打機 Mischa從遊戲頓悟:人生不能重來

最新影片:古天樂劉青雲專訪

拍攝MV的辛酸

由於Mischa希望親身上陣演出,在拍攝MV前,特別跟一班特技演員學習揮劍、打鬥及吊威吔等動作,好等在鏡頭前能夠演得入型入格,不過要演出神髓也絕不容易,Mischa每次也弄得周身瘀痛,令人心痛。

Mischa說:「初練習用假劍時經常要蹲低,結果大髀勁痛。打筋斗要用到腰力,又因為未係好識用力而Chok親,不過算係肌肉疲勞,同埋老師都好好,知道邊啲位會容易整親、壓到啲肉,都會特登將護墊攝喺威吔會束住嘅位置,平時運動都會有少少嘅傷啦,而且我嘅興奮大過晒所有嘅痛楚。」

Mischa還透露接下來推出的歌曲MV將不乏動作場面,她坦言要一直保持狀態,才能連戲,所以會Keep住練功。

    點擊圖片放大
    +7
    +6

網上炒貴十倍  

自歌《人間英靈》推出後,Fans反應熱烈,加上由歌曲、MV、宣傳到粉絲應援物都以打機貫穿,令到不少樂迷都希望能擁有實體CD以作收藏。
 
Mischa所屬唱片公司Sony Music,因此特別為她推出了《人間英靈》Single,並限量100隻作公開發售,以饗同好。

想不到Single一出,瞬間售罄,更有不法之徒在網上炒貴十倍,結果Sony再火速加印應市。

Mischa日前便親力親為到唱片舖將CD上架,得到樂迷的鍾愛,Mischa興奮說:「我哋再追加100,唔會再加印!因為本身冇諗過攞出嚟賣,實體碟係要等1年之後,成個Project完成至推出專輯,但知道大家好想收藏,先至印200出嚟。」

至於問到她怎樣答謝粉絲,她笑說:「多啲上網同佢哋互動囉,因為係佢哋嘅反應咁踴躍,先會再追加,係完全為咗佢哋。」

撰文 : TOPick柴犬出動