【自我安慰】古巨基向MC分享護膚經 張天賦暗示將開紅館騷?

娛樂 15:46 2022/09/07

分享:

分享:

古巨基張天賦合唱。

古巨基音樂企劃「I Really Love To Sing」第二炮請來MC張天賦合作,二人合作《自我安慰》合唱版。基仔與MC於IG開Live為粉絲解構新歌、MV拍攝及合作契機。

MC坦言跟基仔的合作十分「夢幻」,因為從小便聽他的歌,沒想過竟然能夠有機會一齊合作,更謂覺得好神奇古Sir「咁多年嚟一啲都冇老到」「睇番《飄流教室》個MV,直至《自我安慰》個MV,個樣其實係冇變過㗎。其實你有冇一啲保養嘅技巧?」

基仔聞言MC還年輕,未需要用到保養技巧,隨後靈機一觸答道:「有一個保養技巧呀,就係娶一個會幫你保養嘅老婆呀!」MC隨即大笑。

深夜開直播。

基仔續說:「因為我自己真係唔識保養,每日古太臨瞓前或者我臨瞓前,會幫我搽晒啲面,我諗嗰度有四五六七支嘢,由右到左,古太會話:『你而家未洗面呀,臨瞓前就自己搽啦。』如果我洗咗面,佢就幫我搽。」MC立即讚好,基仔借分享保養心得,同時又乘機冧太太,認真識做。

直播期間,有網民問到《自我安慰》前奏及中段過門均用上《記憶棉》的旋律是誰的主意,基仔解說是他在錄音時忽發奇想,「喺錄音兩日裏面,聽聽吓突然覺得,既然一齊合作,《記憶棉》又係關於感情上失落,匿喺被窩裏面,再接呢個《自我安慰》,好似係一個治療同解脫,我就同舒老闆(監製舒文)提議,咁就啱晒啦。」

分享心得。

MC提到錄音其間發生了一段小故事,「嗰日錄歌我冇帶耳機,就借咗舒老闆嘅一個ear monitor,我覺得聽得好舒服。之後古sir好好人拍MV嗰日送咗隻呢個耳機俾我,多謝多謝。」

基仔又代MC粉絲追問 : 「我睇報導寫,你嚟緊準備有一個新嘅演唱會呀 ?」MC回應 :「係啦 ! 日子就未確實公佈到啦。但係會喺一個都幾大嘅地方嚟既,會係我嘅一個個人演唱會,或者到時有你做嘉賓都唔定㗎。哈哈⋯我咩都唔講得住呀,大家期待下啦!」

最新影片:古天樂劉青雲訪問

 

撰文 : TOPick柴犬出動