【老來得女】58歲呂方寵愛囡囡又攬又錫 老婆帶2歲女打疫苗大讚無得彈

育兒經 13:10 2022/09/08

分享:

分享:

58歲呂方相當寵愛女兒,又攬又錫好冧豬。

現年58歲的呂方兩年前與年輕16年的太太伍惠寶(Rainbow)結婚,並誕下一女Emma,老來得女的呂方住元朗獨立屋,身家豐厚,可以專心湊女。近日Rainbow分享女兒早前學行的片段,可見呂方對女兒又攪又錫好寵溺;Rainbow又透露已帶女兒打疫苗,還大讚無得彈。

最新影片推介︰

呂太Rainbow不時在IG分享湊女日常,近日她分享Emma在15個月大學行樓梯時的片段,片中的Emma在家中欲找爸爸,慢慢上樓梯去第二層,爸爸就出房門口張開雙手迎接她。

    點擊圖片放大
    +7
    +6

呂方一見囡囡笑到四萬咁口,拖實囡囡慢慢落樓梯,途中坐低與囡囡一齊拍打大髀,又看看她的頸鏈,之後囡囡拉爸爸起身繼續行,去到轉彎位,呂方忍不住對囡囡又攬又錫,被囡囡冧到爆。

呂方與囡囡錫錫,被前世情人融化。(IG影片截圖)

去兒童醫院打針值1萬分

同日Rainbow也分享了帶女兒打第一針疫苗的經驗,呂太盛讚在香港兒童醫院打針值10,000分, 「 由我的起心肝同Emma打針開始,整個過程簡直係冇得彈!」她指在政府網站預約「容易到爆」,隨時都可以去。

星期日人會比較少啲,由泊低架車(車位就真係太少),每一個位置都有人帶領住我哋,完全唔需要等,好輕鬆就帶到Emma坐低打針。

    點擊圖片放大
    +7
    +6

原本Rainbow曾擔心女兒會扭計,未能受控,幸好院內有卡通氣氛兼送貼紙,分散了女兒的注意力,「最令人驚嘆嘅係護士哥哥一邊同佢傾計(偈),0.1秒之際就拮咗支針落去大髀,Emma望一望自己隻大髀,竟然好似若無其事咁繼續玩張貼紙,我同工人姐姐O曬嘴(互相對望), 欣然行去等候區。」

    點擊圖片放大
    +4
    +3

更讓她驚喜的是,在等候區有一名負責扭波的姐姐送給每人一個扭扭氣球,令Emma歡喜若狂,Rainbow笑言︰「好大可能佢好想快啲再嚟打第二針!」Rainbow又稱女兒針後沒有不適,大力呼籲家長盡快帶子女打針。

Emma好叻呀,打完之後完全冇唔舒服,大人又放心咗,我覺得如果有小朋友嘅唔好再猶豫,萬一感染咗而引發重症,真係後悔都嚟唔切。#保護兒童好重要 #打完疫苗放心咗好多

【獨家優惠】限時搶屈臣氏網店購物滿$450減$50折扣碼︰https://bit.ly/3Aa0qvT

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳