【明日戰記】曾俊華帶家人睇老友古天樂新片 幽默稱:曾太做咗古太

娛樂 12:54 2022/09/11

分享:

分享:

眾所同知前財爺曾俊華喜歡睇戲,今日(9月11日)在個人社交平台透露,早前入戲院睇大熱港產片《明日戰記》,不過意相不到原來曾俊華私下與古天樂認識已久的老朋友。

曾俊華在社交平台上載多張與古天樂的合照,第一句寫道:「輪到我撐老友。」然而續稱:

前兩日拖埋曾太同囡囡入場睇《明日戰記》,睇到香港可以拍出一套場面咁浩大震撼嘅科幻片,睇到香港電影界仍然有人敢當追夢嘅冒險家,實在有一種莫明奇妙嘅感動。

《明日戰記》可以話係古仔從影以來嘔心瀝血之作,投資4.5億,是香港電影史上最昂貴製作,由籌備到拍攝長達十年,單是後期製作都用咗4年。在香港,電影嘅題材亦都是史無前例嘅,以未來2055年為背景,講述地球因為污染,四周都是會致命嘅有毒空氣,人類只能活在巨型天幕下逆境求存,提醒我哋要珍惜現有一切,不要不斷破壞地球環境。

    點擊圖片放大
    +5
    +4

與古仔屬老朋友

之後,曾俊華表示與古天樂一早已相識:

打從我還在政府工作嘅時候,我就已經認識古天樂,佢一向好熱心社會公益,但不要求成為鎂光燈焦點,經常在背後默默地為社會做事。認識古仔愈久,你就會知道他是一個好有義氣嘅好人,尤其在香港電影業最低迷嘅時候,他出錢出力幫助電影業發展,是好值得大家尊重。

《明日戰記》以香港首套大型科幻片來說,即使有啲細節不完美,但絶對可接受,如果冇人敢踏出第一步,就唔會有下一步,唔會有拓展新領域嘅可能。正如電影裡面一句對白所講:「個結局係點,由我哋自己決定。」

最後,曾俊華更不失幽默地寫道:

#明日戰記
#古天樂
#曾太做咗古太
#個天可以灰 個地可以灰 我哋唔可以

最新影片推介:鄧麗欣陳詠燊專訪