【功課壓力】小學開學一周功課多壓力大 兒子做到晚上11時媽媽呻爆

育兒經 13:36 2022/09/13

分享:

分享:

有港媽指開學不久,小朋友已經要做功課做到晚上十一點幾,第二朝又要一早起身。

多功課的壓力,不單止影響小朋友,連父母都感到好頭痛。有港媽在網上討論區發帖呻爆剛開學,兒子已經多功課又難,經常做到晚上11時許,導致翌日沒精打采上學,有網民感同身受,「書都未教,已經有7樣功課。」

最新影片推介:

有港媽日前在「香港討論區」發帖,主題為「啱啱開學就咁多功課...」,表示開學不足一星期,學校已經安排好多功課,主科的中、英、數、常識,最少有一至兩樣,

功課多到小朋友成日做功課做到夜晚11點幾先做完。啲功課又難,有時小朋友唔識做問我,我都要上網搵下答案先教到佢。

港媽更表示,日日做功課做到深夜,翌日又要早起床上學,兒子開學一星期,樣子已經攰爆,沒精打采,「真係一啲都唔明點解啲老師俾咁多功課?」

貼文一出,即引起熱議,不少網民紛紛留言,指小學功課應該很快完成,「好多時都係十零分鐘就做完嘞喎,會唔會係做功課時,好多干擾,唔夠專心?」、「據我所知,普通區內名校,區外人未必知嗰啲,每科都3至5樣功課起跳,例如作業、抄寫、補充、工作紙、網上功課,都未計改正……所以,每日10至15樣功課係基本」、「以前我讀小學咪又係咁多,一日少嘅7、8樣,星期五仲多,放長假仲死」。

網民建議為兒子訂立目標

有網民也有同感,指書本還未教,小朋友已經有7樣功課,不過其子趁在轉堂或小息時間做功課,回家就變得輕鬆,另外有網民指樓主兒子做功課的時間太誇張,「有無咁誇張呀!我女今年9月由國際學校轉咗去港島某名校讀,每日6、7樣功課加網上功課,為咗可以做完快啲玩,佢會喺小息做兩三樣簡單嗰啲,之後返到嚟做功課連埋溫習,通常5點前已搞掂。」

有網民建議樓主為兒子定下小休時間,放學回家小休15分鐘,吃些茶點,再為子女訂目標,每做完2至3份功課,就獎勵放5至10分鐘小息,小朋友為了小息可能加快速度做功課,而且腦部都要休息才轉得快。

點撃下圖即睇更多留言:

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳