【圈中情侶】洪卓立與女友齊拍廣告 劉沛蘅情侶檔拍劇演分手戲免問

娛樂 12:35 2022/09/15

分享:

分享:

劉沛蘅\跟洪卓立情侶檔拍廣告。

劉沛蘅(Hillary)跟洪卓立(Ken)今年三月公開認愛,二人不時高調放閃,繼早前情侶檔拍攝米線專門店廣告後,最近Hillary與Ken獲頭髮護理品牌Kerastase邀請,拍攝全新系列廣告。

日前Hillary與Ken一同到影樓拍攝,為營造出情侶間的溫馨甜密畫面,影樓佈置成家居環境,他們分別穿上米白色的家居服,更公然打情罵俏,二人不時互相提點、替對整理衣衫、又會逗弄對方,非常甜密。

(大會提供)

今次再度以情侶檔姿態出現,Ken謙稱獲女友帶挈拍廣告搵真銀,十分開心:「平時比較少接拍呢類型嘅工作,今次算係被Hillary帶挈,哈哈!以呢個狀態接工作我緊係高興、要去還神啦!希望嚟緊都可以以呢個形式工作,係開心嘅,可以一齊準備、一齊出門口、一齊收工返屋企,呢個感覺幾好嘅!好似好肉麻咁,唏!」
 
Hillary即表示這是公開戀情後第二個工作,亦希望大家喜歡他們這對情侶,她說:「今次拍攝都好順利!表現甜密?其實都係我哋平時咁,但就比較少畀人望住做啲咁sweet嘅嘢。」

    點擊圖片放大
    +4
    +3

Hillary更取笑男友要人前溫馨,容易面紅,她說:「經過第一次一齊工作,我都有叫佢唔好咁尷尬,因為我比佢多接觸呢啲工作,而家都好嘅,佢係一個超級容易面紅嘅人,佢一尷尬大家都好容易睇到,啱啱開始拍時塊面已經開始紅,哈哈哈。」
 
除了合作拍廣告,Hillary與Ken更希望繼續以情侶檔作多方面嚐試,不過出名是「大男人」的Ken就希望盡量避免女友跟其他男生親熱,他說:「我哋可以唱歌架!Hillary有學唱歌,又學跳舞又學做戲,希望呢幾個範疇都有機會,跳舞係我強項,但係極具娛樂性嘅強項,係唔會亂咁攞出嚟。」

(大會提供)

他續說:「其實情侶檔拍戲都好嘅,如果有套劇做情侶,最尾大結局先一齊,咁中間就多啲瞹瞹眛眛就最好,不過就盡量避免有第二個男仔爭佢、強吻佢嗰啲,最好唔好!」身旁的Hillary補充說:「千祈唔好一開始就熱戀,到最尾分手,咁樣唔『老黎』呀!哈哈!」
 
工作時能夠公然調情,二人似乎都非常受落,不過他們也會互相請教,共同進步,Hillary說:「我覺得係要互相學習,因為我多啲上堂,佢就實戰經驗多過我囉,例如鏡頭方面嘅嘢,遇到某啲情況應該點樣做,所以係互相分享吓。」Ken說:「直頭係要佢教我啦!佢有上堂,反而有啲情況係我請教返佢添。」

最新影片推介:

撰文 : TOPick柴犬出動