【食用安全】元朗生果檔買榴槤中伏 劏開果肉腐爛發臭檔主拒更換

食用安全 17:32 2022/09/17

分享:

分享:

每年7月至9月都是榴槤當造的季節,加上近期榴槤的價錢有所回落,相信不少榴槤控都想抓緊品嘗榴槤的尾巴吧!不過,要揀一個靚榴槤,真的要落足眼力、嗅覺和手感,否則隨時中伏!一名網民分享日前用80元在元朗生果街買了一個榴槤,滿心歡喜以為可解咀饞之癮,豈料劏開榴槤迅即聞到臭味,果肉儼如營養不良般少得可憐,一眾網民看畢相片直嘲激似煲過湯的豬骨湯渣;有網民透露自己亦曾在生果街買生果中伏,建議市民到超市選購貴價生果。萬一有問題,都可憑單更換。

影片推介

該名事主在Facebook群組「食在元朗」分享中伏經歷,指昨日在在元朗新街、近同益街市的生果檔,用80元買了一個榴槤,回到家中劏開榴槤,竟然完全唔食得兼有臭味,事主曾打算取回榴槤到生果檔更換,惟對方拒絕更換。

揀榴槤畀我嗰位阿婆,話係特價貨品、冇得更換,但是價錢牌上沒有註明「特價生果,冇得更換」,請各位留意咪中伏。

 

點擊即睇這個榴槤有幾伏:

    點擊圖片放大
    +3
    +2

 

大批網民看過照片都同情事主的遭遇,甚至嘲笑榴槤勁似隔夜燒肉、煲湯湯渣。不少網民分享曾在生果街買水果的中伏經歷,「嗰間嘢不嬲好伏」、「元朗買生果是不准揀的,佢執比你,有的還專執啲爛嘅比你」,直言從不幫襯元朗生果街;有女網民更透露其丈夫當日亦在生果街買了一個一模一樣的爛榴槤,懷疑與事主幫襯同一檔生果店,但興幸的是最終店主願意用哈蜜瓜更換。

身為一個榴槤控,到底如何可以揀選出一個靚榴槤?身兼唯港薈酒店署理行政總廚、具「榴槤王子」之稱的何偉誠師傅(Danny)早前接受TOPick訪問時,分享了5大專揀靚榴槤的秘訣。

  • 第一招:中型榴槤口味最平均

Danny表示,榴槤愈大不代表愈好,因為當榴槤愈大,它的形狀分佈不均勻,一邊會熟,另一邊會不熟,最終可能雖然買了大的榴槤,但有一半會扔掉。他建議市民選擇重約1.2kg至1.5kg的中型榴槤,它們的口味最平均。

  • 第二招:從星星紋路知道瓣數

Danny指,榴槤尾部出現的星星紋路,能反映該榴槤的瓣數。一般榴槤可以數到5至6瓣,愈多紋路,代表愈多瓣,可能會較大機會有多點果肉。

  • 第三招:蒂部刮皮後呈鮮綠色

Danny示範用手指甲刮開觀察榴槤蒂部的皮,指榴槤蒂部可反映出榴槤是否新鮮。如果發現蒂部是鮮綠色的話,證明榴槤很新鮮;如果會刮甩或者乾燥,甚至變成了柴絲,證明榴槤已擺放了一段時間,不太新鮮。

  • 第四招:嗅榴槤尾部

Danny又教大家用手呈「C」字型放在榴槤尾部,然後輕輕嗅一下,了解手執的榴槤香不香。如果你可以嗅到重甘香味道,便代表這個榴槤靚。

  • 第五招:搖晃榴槤辨認乾包

Danny表示,搖晃榴槤便可得知榴槤屬乾包還是濕包,增加買到心頭好的機會。只需把手指頭放在榴槤釘中間固定,之後輕輕搖晃。如果感覺到榴槤內有些東西郁動,證明這是乾包,因乾包不會黏殼。

點擊即睇如何揀選靚榴槤:

    點擊圖片放大
    +8
    +7

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰bit.ly/34FTtW9

責任編輯:羅嘉欣