【明星懷孕】「死侍嫂」懷第四胎難忍狗仔隊追訪 碧琪麗芙莉狂發孕照籲停侵私隱

休閒消費 13:06 2022/09/19

分享:

分享:

跟太太結婚10年碧琪麗芙莉四度懷孕,憑《死侍》、《爆機自由仁》紅爆的賴恩雷諾士要在影壇加把勁了。

曾憑美劇《花邊教主(Gossip Girl)》爆紅的碧琪麗芙莉(Blake Lively)自從被《死侍》賴恩雷諾士(Ryan Reynolds)據為己有後,就真係專職相夫教女(育有3女),又或者出席時尚活動。眨眼今年結婚10周年,以為佢會再度回歸拍戲工作時,失驚無神對外宣布將迎接第4個BB,開心事一傳出,即惹來國際狗仔隊追訪目標啦。

當然,生B始終有迹可尋,大家只係疑惑碧琪麗芙莉點解可以無預警大肚出現9月15號福布斯女性力量高峰會座談活動,大腹便便的她立即成為全場焦點。網民都立即check佢IG生活記錄,喂,明明8月尾先出show完弗到爆泳衣照……

    點擊圖片放大
    +6
    +5

不過今次碧琪麗芙莉一口氣出多張懷孕照,原因係佢頂唔住狗仔隊嚴重影響佢哋一家私生活喎,自己主動上傳大肚相,希望狗仔能停止侵犯隱私咁話。碧琪麗芙莉表示:「這些都是我真實生活中的大肚照片,請在我家門外偷拍的11位人兄別再煩我們好了,你們的行為嚇到我同我的孩子。」不過,碧琪麗芙莉稍安無躁,在荷里活咁多年,無理由唔知自己發相無狗仔隊跟蹤偷拍咁值錢嘛,對不?

記者:黃鑑江