【食用安全】荃灣買燒味驚見疑似被咬過骨頭 街坊:不敢再光顧

食用安全 13:11 2022/09/20

分享:

分享:

荃灣街坊買燒味驚見疑似被咬過骨頭。

買燒味搭豬頭骨就聽得多,但如果搭俾人疑似食過的骨頭,又是否會感到嘔心?有網民早前便遇到類似事件,稱於荃灣某日式超市買了一份燒味三併,回家撕開保鮮紙時,卻發現有一小截痴著肉碎的骨頭藏身於燒肉與紅腸之間,乍看下與平日被人咬過的無異,細極思恐下她馬上返回超市投訴,對方雖然答允退款,但不承認骨頭遭咬過,並以刀法推諉過去。事主心心不忿下,將有關照片放上社交平台,迅即引起網民熱議。記者正向涉事超市查詢事件。

最新影片:

該名網民在facebook專頁「荃灣人」發帖,稱於周日(18日)荃灣某百貨公司買了一份燒味三併回家,正當打算翻蒸時,卻驚見那小截骨頭,並叫來老公一同查看,結果「倆人都認為舊骨比人咬完再放落去,真係好恐怖。」她於是氣憤地折返超市投訴,她形容職員見到骨頭時「都O咗咀」,然後通知事主指可以「退款及叫食品部經理回覆」。

其後由於食品部經理放假,由同公司的服裝部經理回覆事主指「話問咗燒味部同事,呢個唔係咬過,係用斜切嘅方法斬燒味。」事主對這答法難以接受,指儘管沒有太多入廚經驗,但都懂得分辨,於是請教一眾網民評理,又指自己以後不敢再於那超市光顧熟食了。

帖文一出,隨即有大批網民爭相討論,有人認同店方說法指「腩骨位尾,較多脂肪層,一斜刀切落舊肉度就好易散架啦。」、「似斬甩多過似咬過」、又指燒味師傅「日日咁多燒味食 都唔使做到咁呀」,有人亦指責事主「揀嗰陣時都望到個樣又唔係有個包裝袋遮住」。不過,另一邊廂,有人亦指事主懷疑合理,「嘩真係好似喎 」、「似係其他人搞過, 可能係超市食客」、有人更懷疑「會唔會俾老鼠咬」。

    點擊圖片放大
    +3
    +2

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載:https://bit.ly/34FTtW9

責任編輯:羅嘉欣