【呷醋媽媽】盡責外傭2個月俘虜兩少主 3孩港媽心酸:小朋友好似叫佢MaMa

育兒經 12:40 2022/09/21

分享:

分享:

3寶媽媽,情緒受荷爾蒙影響,諗嘢鑽牛角尖,竟然呷外傭醋。

請到一個好外傭,屋企多個好幫手,但有3寶港媽因為盡責外傭,在兩個月裡貼心呵護照顧,火速俘虜了兩個少主,長女及二寶變得倚賴外傭,令產後港媽受荷爾蒙影響,心情跌到落谷底,呷醋說:「最心酸小朋友好似叫佢MaMa!」

最新影片推介:

有港媽日前在facebook的巴打絲打「13親子育兒」發帖,大呻因剛誕下初生B,在兩個月前請了外傭照顧大女及二寶,港媽強調外傭沒有問題,付出真心照顧兩個幼兒,外傭更會陪其中一個小朋友睡覺,而且經常陪他們看圖書,用英文說故事,

我好自責見到佢仲未識講中文就俾姐姐教英文。我照顧初生冇時間同佢睇中文圖書/親子,日頭都會抽時間同佢睇但係佢已經唔騷我,大嗰個就同我瞓,但係日常照顧都變咗姐姐,明明以前自己食飯變咗倚賴姐姐餵,我叫姐姐唔好餵佢,但我明白俾得人湊就冇得要求咁多。

該名港媽知道自己生完後,以她生過三胎的經驗,知道這個階段受到荷爾蒙影響,令她情緒有少少負面影響,自責對不起大女及二寶,

如果我唔生呢一個,就唔需要請工人,好似以前咁親力親為湊佢哋,呢一刻淨係想快啲兩年之後甚至想快啲完約,純粹呻下,我係咪應該要求同返另一個小朋友瞓?變咗夜晚一打三,咁樣值唔值得?最心酸小朋友好似叫佢MaMa…

昔日港媽全日在家,兩個小朋友會黐住她,如今年長的子女變得倚賴外傭,初生B又是人奶餵食,就算帶兩個大的出街去玩,最細的BB又不能放手給外傭,令她非常頭痕,她藉在社交平台尋求解決方法及建議,也希望給自己多些正能量,所以常常同自己說:「兩年之後小朋友就會同返我哋一家人一齊瞓媽媽自己照顧返。。。」

網友著不應鑽牛角尖

貼文一出,即獲不少媽媽為她打氣,著樓主不應鑽牛角尖,應該慶幸自己請到個錫小朋友的好外傭,如果請著一個做事求其拿西又鍾意黑面仲要湊唔掂小朋友的外傭,你心理會平衡返嗎?「唔好睇重自己冇咗咩,睇重自己得到咩?呢個係做人基本,生完係會諗埋一邊,一發現有呢個情況就搵家人同朋友傾訴,以免日後形成產後抑鬱,你應該多謝佢令你輕鬆咗。」、「我個仔,由細細個就好鍾意工人,成日問佢鍾意媽媽多定姐姐多,佢實答姐姐,但我反而好開心,因為咁樣代表工人真心錫我小朋友先,生完真係會亂諗,我明白!」、「這個時期請到有愛心姐姐已經好難得。唔好亂諗咁多鑽牛角尖,炒咗佢怕你要承擔所有家務育兒壓力。到時你抑鬱都似,細路依賴姐姐即係佢哋相處好。好事嚟 。你快D養返好自己身子先啦!」、「其實過咗3-4歲後,佢哋好多時跟番我,因為知道媽媽同姐姐嘅分別 我細仔而家仲會扭要黐住我瞓(佢十歲了),仲細實會倚賴,因為佢哋好多嘢未識照顧到自己,倚賴唔等於愛加親情,我哋細個咩都唔識都係倚賴人照顧,好正常嘅,陪瞓陪食只係照顧佢咃啫,唔係代替咗你位置,你要唸通呢點…」

網友更舉例子;小朋友返學遭人欺負,小朋友一回家便會搵媽媽/爸爸幫他們出頭,唔會找外傭,父母先係小朋友的安全島同防護罩,小朋友識分辨,不要亂想,好好照顧身體及湊細B先!

對於網友的建議,樓主照單全收,並感謝各位媽媽,「明白啊多謝你哋,我會睇開啲,講得好有道理,我非常期待佢哋大少少三個一齊玩好開心。」

點擊下圖,睇網民留言

    點擊圖片放大
    +19
    +18

 

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯:王明芳