【寵物店疑虐畜】小狗舌頭慘被剪開一半 寵物美容店「賴皮」主人愛莫能助

休閒消費 19:47 2022/09/26

分享:

分享:

小狗舌頭疑被寵物美容店剪開一半。

意外,意料之外,沒有人想發生,不幸發生了就應該承擔責任;如果刻意虐畜,就更加應要受罰!近日有網民在Facebook群組「屯門友」發文,稱家中領養的小狗到了彩華花園一間寵物美容店後,發現牠的舌頭慘被剪開一半,主人即時帶愛犬到動物醫院急救,幸好沒有生命危險。但小狗現時身體非常虛弱,由於年紀老邁,本來已經沒有所有牙齒,進食只靠舌頭作吞嚥,日後進食必定更加困難。

主人留言:

今日下午,小狗去寵物美容,過程中相關人仕把小狗的舌頭剪開了一半。
主人(我和丈夫)和小狗去診所急救。
現小狗身體虛弱已接回家中
小狗兩年前領養,年紀老邁,本來已經沒有所有牙齒,進食靠舌頭為生作吞嚥,現在日後進食更難。
負責人避而不見,最後警方介入,負責人回應以「又唔係剪到我條脷,我唔清楚喎。有咩咪依程序追討我囉」
本人會依法辦事處理,**只希望所有主人都知道和小心**及希望有關當局立法監管。

小狗身體非常虛弱。(Facebook群組「屯門友」圖片)

今日(9月26日)主人再發文,表示即使已經依法辦事處理,H字頭寵物店對事件仍然沒有任何回音。而小狗身體日漸虛弱,令主人感到徬徨無助,希望借助網絡之力引起關注。

我係小狗的主人,今日小狗仍然好虛弱,可以做的事我哋都盡咗力做。
無論為小狗申報一切機構,我哋只想同負責人溝通,如果對方錯,最起碼肯行岀嚟道歉解釋。我會盡心為小狗療傷,首先想係呢度多謝咁多位街坊關心呢件事,另外,到呢一刻,彩華花園地下間Hxxxx Pxx Bxxxx 仍然無任何回音。
成條脷咁斷開左一半,我同屋企人真係好傷心好傷心,依家進食每餐都係用針筒逐小小餵,但要好小心,一落錯格就會肺炎。
我哋年半前領養番嚟,好辛苦先養到佢健康番😭😭😭😭😭😭😭😭😭
希望彩華花園地下間Hxxxx Pxx Bxxxx既負責人可以盡快出黎交代清楚件事。
我哋真係無其他方法😭搵佢哋了解,咩都唔講,就搵啲人嚟講粗口嗌交。
只係用惡希望㩒住件事
我哋普通人可以點😭😭😭😭😭😭😭😭😭😭😭

    點擊圖片放大
    +4
    +3

不少網民為受傷小狗感到心痛,並爆料指涉事寵物美容店是慣犯:「呢間嘢弄傷狗狗已經唔係第一次,唔敢再去」、「點解咁無人性🤬」、「除左虐畜,諗唔到咩原因會剪斷條脷,離曬大譜」、「追究到底,報東張西望」,網民集氣希望小狗盡快康復。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。 立即下載:https://bit.ly/34FTtW9

Follow TOPick ig 獎賞優先搶:https://www.instagram.com/topick_hket

訂閱Telegram最新🍴✈️🎁優惠及送禮情報:https://bit.ly/3bebLM2

責任編緝:馮雪怡

最新影片推介:黃紫恩專訪