【食軟飯】體弱多病靠高收入太太養家 丈夫聽盡閑語:我八字是否食軟飯

親子 11:06 2022/09/27

分享:

分享:

丈夫體弱多病靠太太養家,聽到不少閑言閑語。

古語有雲「江山易改,本性難移」,但同樣亦有 「士別三日,刮目相看」,人的本性是否會跟著成長而改變呢?羅比的答案是保留的,我更多是認為是因為際遇而改變的。今天這個例子雖然有點沉重,但我也希望有緣看到文章而正在逆境當中的朋友,能從中找到勇氣,昂首挺胸地從逆境之中找到通往順境之路。

M先生,年近40歲,育有一女一子,跟太太自大學開始相識,至今仍然相當恩愛,實在羨煞旁人。他曾經在學時期的籃球健將,踏進社會後雖然少運動,但依然是高大帥氣,聽說現在,還不時在公司中有一些報以愛慕的眼神(他本身性格也是不錯,跟他說話讓人感到很有暖意)。可是,幾年前他身體出現問題,是一重容易耳鳴頭暈的症狀,嚴重影響工作。

M先生: 「羅師兄,真係如你所講,2020開始我真係好大鑊,疫情下公司將我既工作時間改左,我變左Part time WHF。本身靠佣金既我生活大受影響,間屋仲供緊,小朋友又細,一個小學一個幼稚園,我又因為病好多工都唔敢做,做做下暈低,老闆都驚左你。」

最新影片推介:

羅比: 「咁太太工作穩唔穩定呢?」

M先生: 「好彩佢穩定咋,唔係我太太,我依家都唔知點算。最初,佢娘家知道我病左,個陣細B(幼子)岩岩出世,我因為病停左成大半年工,無論外至鄰居同事,內至佢(太太)屋企人,都好多說話我聽。美其言話我有福氣,娶左個好老婆,唔使我做,其實咪話我食軟飯咯,好衰唔衰,我老婆仕途真係一帆風順,幾年前當時都已經係我兩倍人工,依家更加車尾燈都見唔到…….」(M先生有點失落和無奈)

羅比: 「我記得你第一次黎搵我係2018年,當時未有病,同你太太一齊黎,我印象中你好陽光,係個好Man既暖男,我記得我提你八字火太重又從唔到(夏天出世,2020年子水沖午火,本身屬鼠,更加中應期,大運再中火局,我當時斷言你2020年有一劫,你捱過咗都算執返身彩。(感謝M先生公開出生日期: 西曆1984年6月25日)」

M先生: 「病都唔係最緊要,人言先可畏,令你覺得自己好失敗,好似拖累左太太咁。當時情緒問題大幾乎想自殺,覺得自己唔應該有小朋友,唔應該買樓,咩都好自責,企係海邊試過想自殺(情緒病一樣可以致命,當時還在劫中),好彩有個保安叔叔見到拉住我。講開又講,個次之後,我係屋苑無再見過個個叔叔喇(咁奇異?)。其實我八字係咪真係要靠老婆,食軟飯呢?」

食軟飯八字面相有得睇?

一:身弱食傷旺而無印

羅比: 「你問得呢個問題,睇黎你都睇化左好多,我感覺只要我同你講你係,你就可以好安心咁係屋企湊仔喇。首先,係我地日常大眾認知上,可以靠到女人既男人,大部分靚仔先啦,如果後生小鮮肉就更有優勢喇,咁女人養埋都心甘抵D啦(阿姨我不想努力了)。咁如果八字食神傷官旺,又無印星既剋制,或多或少都比較靚仔同有魅力,識講野。然而你既八字唔係咁,相反係另一類。」

二:官殺太多,印比太弱

羅比: 「你屬金,火(官殺)旺制身,仲要係午火七殺,土同金都相當弱,但偏偏庚金有比肩,從唔到。財星入夫妻宮,算係妻星正位裝,自身際遇唔好,但勝在太太質素高,所以可以幫到你,但始終唔係局中用神,關係上多少都會為你帶黎煩惱。其實我覺得應該講,你只要放得下,呢個問題就唔係煩惱,只係一段際遇。每個人既劇本都唔一樣,一套戲總有人做主角,有人做配角。係呢套戲你做配角啫,或者下套到你做主角呢?」

M先生: 「咁我可以做D咩改善一下運程呢?」

羅比: 「左手戴水系藍色,黑色既水晶,另外呢段時間得閒搵D野學下,充實下自己。享受多D同小朋友一齊既時光,唔係好多爸爸有咁既機會嫁,你轉變一下心念,接受佢,享受佢。而下個大運入水運,你工作會忙返好多既,信我!呢一刻,健康優先。」

M先生: 「經過上次件事點唔信你啊,師兄。好啦,我都會繼續調理好身體,然後努力做野,或者搵新工,畢竟都唔想太太咁大壓力,我知佢唔講係唔想我擔心。」

羅比: 「有時我都會諗,如果有機會食軟飯我又食唔食呢? 睇下邊個既軟飯同難唔難食啦。」

M先生: 「大師巴閉喇,有得食仲要揀擇,哈哈……」

我和M先生在愉快中完結了這次約見。他真的改變了很多,其實這種八字是很有責任感的人,被際遇(大運流年)所逼而放下本性所執,艱辛處不足為外人道。但要是能開悟,是能有大智慧的!加油!

羅師兄八字基礎網絡班現在招生中,有與趣可到羅師兄facebook專頁了解詳情。

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文 : 羅師兄 羅比居士