視后林夏薇往大馬吸引大批粉絲圍觀  薇薇3年沒出埠自言心情興奮

娛樂 15:57 2022/09/28

分享:

分享:

視后林夏薇相隔3年再踏大馬!林夏薇在昨日(9月27日)到馬來西亞出席所代言護膚品牌的活動,吸引大批當地巿民圍觀,場面墟冚,盡顯人氣,連薇薇亦指難以置信表示:「今次活動唔係周末舉行,本身都擔心大家要返工返學嚟唔到,但最後見到咁多人嚟支持,真係好感動。」

其實林夏薇已連續3年成為該護膚品牌代言,自中學時代已開始保養肌膚的她還有一個扮靚小秘方謂:「飲食健康,飲多啲果汁,最緊要選擇適合自己嘅護膚品,除咗用代言嘅產品,我亦會自製水果牛奶面膜。」

林夏薇為粉絲簽名。

在疫情影響下,林夏薇3年沒有出埠,對於今次到馬來西亞出席活動,她自言心情興奮,還透露很掛念當地榴槤、肉骨茶等美食。

此外,過去一年,林夏薇一口氣拍完3套劇集拍攝,她笑言感覺十分充實,稍後日子,既要籌備新劇,亦要為即將開播的劇集作宣傳,同時又斟洽不少廣告,認真忙碌,薇薇說:「現趁有時間會陪吓屋企人同幾隻狗仔,亦會趁假期鍛練身體,始終有健康嘅體魄先可以挑戰新工作。」

最新影片推介:黃紫恩專訪 

撰文 : TOPick柴犬出動