【MIRROR復工】《膠戰》解凍特別版10月8日播出 六膠殺到尖沙咀任膠粉打卡

娛樂 17:53 2022/09/29

分享:

分享:

MIRROR演唱會自發生嚴重意外後,各成員停工近兩個月,不過有指他們即將復工,其有份參演的ViuTV劇集《野人老師》、《季前賽》、前名《死角》的《繩角》,以及《百萬同居計劃》將相繼播出。

至於深受觀眾歡迎的《膠戰盛夏祭!爭奪高級浴衣大作戰!》,即將於10月8日(星期六)播出,六位膠人岑珈其(Kaki)、劉沛蘅 (Hillary)、徐浩昌 (肥腸)、 黃正宜 (阿正)、呂爵安(Edan)及魏浚笙(Jeffrey),將會大玩特玩夏日遊戲,爭奪最終著高級浴衣嘅資格。

【MIRROR成員】盧瀚霆+呂爵安同日更新IG限時動態 粉絲:知你哋安好就夠了

大放笑彈

全集一共有四個遊戲,每個遊戲的勝出者都可以得到扭蛋機會,而扭蛋機裏面有唔同的貼紙,膠人集齊一套 4 款浴衣配件(浴衣、扇、腰帶、木屐) 貼紙,就為之勝出,可以穿上高級浴衣、企C位影終極大合照。

其他失敗者就會穿上普通浴衣,畫上醜妝於大合照上出現。而這張終極大合照政會於10月9日至13日期間登陸尖沙咀九龍公園巴士站的燈箱,歡迎各位膠粉睇完節目,再去打卡留念。

《膠戰》回歸。

珈其+Edan勁驚玩過山車
 
節目中其中一個遊戲「死都唔眼閉」,六位膠人需要在坐過山車的時候,擘大雙眼望向前面的鏡頭,瞪開眼睛時間較長的參賽者則勝出遊戲。

珈其則未玩先驚,多次企圖臨陣退縮,都被隊員捉回來。Edan期間不斷露出經典驚青樣,不停大叫,而阿正玩之前更緊張得想大便,場面搞笑。

    點擊圖片放大
    +9
    +8

Edan塞爆廁所?

在另一個遊戲「答咗嘢 試吓唔好撞」,膠人需根據題目而寫出答案,如果答案與其他人不相同便可得到一分,相反答案一樣就冇分。

Edan被其他膠人玩踢爆,大爆之前拍攝節目一同去宿營,Edan如廁後塞爆廁所,珈其形容成個廁所塞滿紙巾,最後肥腸竟然徒手通渠獲得大量讚賞。

    點擊圖片放大
    +6
    +5

最新影片推介:

撰文 : TOPick柴犬出動