【抹去重來】區子琳以親身暗戀故事作背景 MV向莫竣名獻熒幕初吻兩Take完成

娛樂 12:47 2022/09/30

分享:

分享:

歌手區子琳(Paula)在製作最新作品《抹去重來》時,剖白了一個自己的暗戀故事:「我中學時代暗戀咗一個人6年,但從來無向對方表白,然後我成日喺度諗,如果我表白咗,會係點呢?」

最新影片推介:靚太安樂窩

填詞人Oscar聽過Paula分享這段往事後交出來的歌詞,想讓樂迷明白一個道理:「抹去重來,唔一定可以得到想要嘅嘢,呢首歌係用感情寫呢樣嘢,講緊女主角回望其中一段感情,掛住無向佢表白嘅人,不停幻想如果有表白會點,會唔會最後分手收場?如果無分別,空想有乜意思?不如選擇安於現狀,將懷念擺喺心入面。」

基於這個中心思想,《抹去重來》的MV就以歌曲中的一句歌詞:「假使一切可倒流,斗膽開了口」作為創作主線,並由Paula與莫竣名(Louis)飾演已分手的情侶,Paula一直睹物思人,回想起昔日快樂與哀愁片段,時而甜蜜在街中起舞,時而火遮眼在對罵,不過這一切都已成為過去式。

點擊圖片放大
+8
+7

與素未謀面的Louis扮演情侶,Paula坦言緊張到極致,她謂:「拍攝當日先係第一次見面,又無對過戲,開頭係好緊張又陌生,好在Louis經驗比我豐富,裡面有一場嗌交戲,佢都有教我點樣可以更入戲。」

不過數到最令Paula驚恐的一幕,定必要數她在鏡頭前交出熒幕初吻,雖然只是蜻蜓點水式點到即止:「我係極度不知所措,好在Louis有好好導我入戲,算係唔錯嘅初體驗。」Paula從沒有演戲經驗,但想不到她表現優秀,Kiss這一幕只演了兩Take導演便收貨,Paula也因自更添自信,演出更見得心應手,拍攝過去她更笑言:「原來演戲都幾好玩,日後都想作更多不同類型的嘗試。」

撰文 : TOPick柴犬出動