【0+3】芬蘭度蜜月變韓國家族旅行 港女怒斥被騎劫︰未婚夫想家人出晒錢

親子 19:32 2022/09/30

分享:

分享:

港女不滿未婚夫的家人騎劫了她的芬蘭蜜月之旅,變成韓國家族旅行。

香港「0+3」入境政策於9月26日起實施後,港人外遊查詢激增。有港女馬上計劃與夫婚夫結婚後去芬蘭度蜜月,浪漫睇極光,可是未婚夫的家人對旅遊也感到飢餓,提出全家一齊去旅行,更將旅遊地點改到韓國shopping,未婚夫竟大表贊成,還安撫她可以全程由家人負責出錢。

最新影片推介︰

該名港女在「香港討論區」發文訴苦稱,自上星期港府宣布會放寬入境政策後,未婚夫的姑姐建議他們可以今年內去度蜜月,港女與未婚夫已夾好時間,打算芬蘭睇極光。當「0+3」政策出爐後,姑姐即提出不如全家一齊去,「度蜜月同家族旅行一齊搞都幾好呀,大家咁耐冇去旅行!」

港女本來也不太介意一齊去旅行,但相當不滿他姑姐貶低她和未婚夫的想法,更將旅遊地點改為韓國。

佢話極光有咩好睇,最正一定係去韓國買嘢食嘢囉,芬蘭得聖誕老人睇咁鬼悶!如果話係家族旅行我冇問題,點解要話度蜜月暨家族旅行?我又唔使人幫我哋影相拎嘢,點解要咁樣搶我個度蜜月之旅?

港女希望去芬蘭度蜜月睇極光,不想被迫全家去韓國。(i-stock圖片)

港女最憤怒是未婚夫的態度,竟然幫口游說她改去韓國,原因是家人可以全數出錢,他們可以免費「度蜜月」,「未婚夫話同屋企人一齊去旅行當去埋度蜜月都幾好呀,因為費用佢屋企人會包埋,我哋唔使自己出錢去。咁當初夠話一齊去睇極光而家又唔算數?」

網民︰貪心無主見的裙腳仔

她認為即使去完韓國家族旅行,兩口子也可繼續度蜜月行程,而非只能二選一,她又沒有要求一年去勻兩個地方。她不滿夫婚夫所有事情都交由家人話事,「點解而家連個蜜月旅行,都要佢屋企人幫我哋揸主意?」

不少網民認為去芬蘭度蜜月比較吸引,最好兩個地方都去,但未婚夫太庹縮,不想花錢去旅行,「邊個出大份錢邊個話事,更何況佢唔想出,咁嘅男人都要?」點擊圖片即睇更多網民意見︰

    點擊圖片放大
    +10
    +9

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

責任編輯︰王明芳