【就是青春】余逸暳為主題曲MV Rap詞任創作 參賽者逾30小時拍攝挑戰體能

娛樂 16:57 2022/10/03

分享:

分享:

《就是青春》主題曲《不讓青春留白》MV。

香港開電視首個選秀節目《就是青春》將於本月8日播出,今日(10月3日)香港開電視官方社交平台率先公布《就是青春》主題曲《不讓青春留白》MV。

在主題曲中一段Rap詞更是由參賽者余逸暳(Bethia)的創作,認真厲害,今次MV以賽車為題,將飄移賽車結合勁歌熱舞,跑車包圍著18位參賽者不斷飄移,氣勢十足,熱血沸騰,盡顯18位參賽者的青春本色及追夢決心,向目標奮勇直前的鬥心。

【香港開電視】首個選秀節目《就是青春》下周開戰 全新一輯參賽者造型照曝光

 

最新影片推介:J Lou專訪

拍MV挑戰體能

節目主題曲《不讓青春留白》MV拍攝絕不欺場,由賽車飄移至強勁舞步,所有鏡頭都一絲不苟,難怪一個數分鐘的MV,共花了兩日,逾30小時拍攝;期間18位參賽者更要在烈日當空下載歌載舞,個個都跳到汗流浹背,絕對是體能上一大挑戰!

參賽者中不乏跳舞擔當,當中阮偉倫(阿倫)屬香港大學舞蹈學會成員,他算是MIRROR成員Edan呂爵安「師弟」,他說:「大家要在猛烈太陽下跳舞,要用盡心力咁跳,仲要記得管理好自己嘅表情,真係幾大挑戰!」

不過作為人生首個MV,他笑言無論幾辛苦都值得:「見到拍出嚟效果好靚,加上過程中大家團結一齊做好件事嘅感覺,真係好青春、好熱血!」

    點擊圖片放大
    +9
    +8

「翻版胡鴻鈞」林躍翰拉傷膊頭

有「翻版胡鴻鈞」之稱的林躍翰(John)也對今次拍攝印象難忘,他指很難得可嘗試飄移:「兩日嘅MV拍攝,場景同造型都好靚,睇返Playback,大家辛苦咗咁耐都好值得,辛苦各位幕後團隊。」

John於拍攝期間發生小插曲,在跳舞時拉傷膊頭,他說:「可能自己本身跳開舞,之前亦有啲拍攝經驗,所以今次MV拍攝唔係太吃力。不過Day 1拍攝時,因為深夜時個人Cool down咗而唔小心拉傷咗膊頭!」

另一位參賽者梁樂童(Stephanie)透露在烈日下拍攝MV,一眾女成員不斷搽防曬,更即場互相分享不同的美白方法,她說:「第一次拍MV,仲要係18個人一齊拍,一切都既新鮮又難忘。一大班人一齊著得好靚好型咁跳舞,仲要有幾架跑車好貼身咁圍住飄移,真係好刺激。」

撰文 : TOPick柴犬出動