【星座磨合】潔癖處女座港媽要求做快測抱B 獅子座長老氣憤不甘沒面子

育兒經 18:23 2022/10/03

分享:

分享:

一對母女分別是處女座和獅子座,湊小朋友/孫上出現磨擦。(《寶寶大過天》劇照)

這天,媽媽在大數女兒的不是,牢騷不絕於耳,以為我會安慰她嘛,卻被我嗆上一句:「你呀,就係咁偏心,換上對你態度差劣嘅係新抱嘅話,你邊會咁容忍?」

「咁又係呀!」料不到她會老實承認:「如果新抱敢咁對待我,我一早就走咗去無回頭呀!」

兩母女是沒有隔夜仇的,姑勿論是吵得如何激烈,媽媽還是會回頭去看女兒的。不過,此刻媽媽仍氣上心頭。

「我見佢個舊工人走咗,新嘅又未上班,咪主動去幫吓佢囉,點知道會咁受氣㗎!」

最新影片︰

事情是這樣的,當媽媽拿着大包小包,甫走進屋裏,女兒便手執大號消毒液對準她勁噴,當正她是有毒病菌,又不准她抱孫兒,除非她先做快測喎!

媽媽忙於給女兒煲湯、蒸魚、炒菜嘛,女兒卻老是黑面又或出言責罵:「乜搞到廚房咁亂㗎!」「我講過好多次,牛油唔係放呢一格㗎!」「我餵緊奶㗎,你唔好呢個時候入嚟摺衫得唔得?」

媽媽愈講愈氣,臉也垮下來了:「佢竟然喺女婿面前罵我,話我改變主意搞亂佢計劃喎,我都係唔去佢度一日啫。」

我輕拍媽媽的肩膊,提醒她女兒是典型的處女座,她有嚴重潔癖,不喜歡家居一團糟東西亂放,更最最不喜歡原先的計劃被打砸的,媽媽該體諒和母女應當試磨合呀!

誰知媽媽怪叫:「咁你又知道我係乜嘢星座?我哋獅子座最愛就係面子呀,喺女婿面前罵我,我仲有面嘅?」

原文刊登於《香港經濟日報》,標題為「處女座vs獅子座

hket App儲積分換獎賞︰https://bit.ly/3ClEy1R

【名師試題教室】睇片連工作紙  中英數必學單元︰https://bit.ly/3sEeM3Q

hket App已全面升級,TOPick為大家推出一系列親子、健康、娛樂、港聞及休閒生活資訊及Video。立即下載︰https://bit.ly/34FTtW9

TOPick推出「Band1學堂」,更多教育升學資訊︰https://bit.ly/3a6HT6T

撰文︰鄧藹霖