【美麗戰場】首演惡毒繼母每天聲嘶力竭 楊卓娜現實為最強繼母以家庭為先

娛樂 12:14 2022/10/06

分享:

分享:

楊卓娜戲內外也是一位繼母。

TVB台慶劇《美麗戰場》本周首播,有份演出的楊卓娜不再飾演悲情寡婦,首次飾演惡毒繼母。

現實中的楊卓娜亦為一位繼母,不過是善良版繼母,她不但視繼女如己出,而且所做的一切都以家庭為先,絕對是一位好媽媽。

【最強繼母】楊卓娜為繼女慶生 親自下廚煮滿枱美食送名牌禮物

《美麗戰場》(TVB截圖)

挑戰惡毒繼母

楊卓娜今次於《美麗戰場》中飾演芳姨,跟之前的角色很不同,她說:「其實每一次嘅角色都好有挑戰性!只係有時戲份太少,享受唔到戲癮已經結束咗,就會有啲沮喪。」

她指今次的角色需要很多Energy,「每一次開工都好大壓力,收工就好似被吸乾咗咁,因為每日都好爆炸!就算唔係每一場戲都咁爆,但係每一日收工都已經聲嘶力竭,因為總有一場甚至更多場會很爆。」

她續說:「不同嘅地方有很多,例如人物背景啦,聲線、服飾、衣著、情感、肢體表現、情感表達都會有很不同!投放成個人嘅氣質都要唔同!因為每一個角色都係獨立㗎,要給予每一個角色更加有神韻、投放嘅能量,精神面貌、氣質都要重新去把握!」

楊卓娜形容今次的角色很好玩,「雖然好攰,但係勝在過癮!同蔣家旻、杜大哥、吳家樂都好有默契!他們都是很好的對手!未試過做惡毒繼母,感覺自己係白雪公主入邊的女巫!其實最大嘅挑戰係要打人,因為劇本冇寫我要打人,打杜燕哥,去到現場,導演突然間叫我打佢,我反應唔到,唔知要點樣打。」

【最強繼母】楊卓娜細女將13歲 與「燈箱大王」仍未註冊結婚:靠信任維繫關係

    點擊圖片放大
    +6
    +5

難忘士多戲

談到最難忘的一場戲,她選擇了第一集的士多戲,「因為那天使第一天開工,有多對白,又大陣仗,天氣又熱又焗,加上我連續開另外一套劇通頂兩日,完全冇瞓,頭腦一片空白,連呼吸都有困難,我在現場幾乎想暈倒!」

她又謂:「完全記唔到對白,頻頻NG!開工之前一天,我突然間想PA準備一把大葵扇給我,結果他們說沒有,我很失望!去到現場士多,我四圍搵,皇天不負有心人,總算給我搵到(士多老闆的),那場戲我拎住把大葵扇我覺得好正!又可以要來做打人的道具!我幫自己設計角色去到哪裏都有一把扇,令人覺得我巴巴渣渣,牙牙炸炸一啲!」

最強繼母

楊卓娜於戲內外也是一位媽媽,她最重視的是小朋友,「每一日所做所有嘅嘢都係以屋企同埋小朋友行先!衣食住行,所有事情都要操心。除了生活物質上的東西,當然我都好注重小朋友的品格,興趣發展,同埋心性發展!」

她認為與家人維繫最好的方法就是溝通,「多啲一齊享受家庭樂,多啲表達愛!我做弱者,讓他們做強者,讓他們來保護我。」

記者:梁樂欣

最新影片推介:J Lou專訪