【星級媽媽】鍾嘉欣透露仔女期待妹妹出世 Linda宣布生完第三胎「封肚」

娛樂 13:05 2022/10/06

分享:

分享:

鍾嘉欣生完第三胎便「封肚」。

懷第三胎的鍾嘉欣(Linda)在社交網站開直播,大談近況和湊仔經,嘉欣表示發現自己孕期前後都比以前輕鬆,又可以照顧一對仔女和家人,直播中鍾嘉欣透露今次誕下第三胎後便會「封肚」,實行三個就夠晒數!

與脊醫老公結婚後十分姻愛,鍾嘉欣先後誕下大女Kelly和二仔Jared,今年再懷第三胎,早前亦公開肚裡佗著是位小千金。

鍾嘉欣臨盤在即。

生完第三胎「封肚」

鍾嘉欣在直播中自言心情緊張:「可能第一胎咩都唔識,好勇敢,反而第三胎有少少緊張,而Kelly同Jared非常興奮,兩個小朋友討論緊邊個幫妹妹換片,邊個負責餵奶,邊個嚟幫我,佢哋好期待同妹妹玩。我哋好期待一家五口嘅生活,冇諗過咁快由一家四口變成五口,要重新適應新成員加入。

Linda又透露第三胎跟以往一樣都是選擇順產、在家中自然分娩,而她亦宣布生完第三胎後「封肚」,故此今次懷孕她特別影家庭照留念。

她並指最近每日都排到密密麻麻十分忙碌,一邊廂要為新成員而準備所需用品,另一邊廂又要安排Kelly和Jared返學所需東西:「已經準備好BB需要嘅用品,其實每一日真係好忙碌,都會好攰好攰,但係一切都係值得嘅。」

鍾嘉欣拍片宣傳保健產品。

接受新挑戰

此外,嘉欣自言比起一般大肚婆更有Energy,她說:「由第一胎後一段時間才開始飲滴雞精,覺得效果好好,於是到佗Jared時,一開始就認真飲滴雞精,效果更加顯著,Jared出世時更是非常足磅,產後腰痠、掉髮的情況獲得很大的改善,也沒有乳塞情況。所以第三胎懷孕同坐月都會飲。」

鍾嘉欣表示今次直播後,她會專心照顧三名子女,因為要照顧兩個小朋友已不易,要照顧三個小朋友,對她來說是新挑戰,預計「生命又再翻轉一次」,所以要過一段時間後才再跟大家見面。

最新影片推介:

撰文 : TOPick柴犬出動