【美麗戰場】陳瀅爆有女星為爭上位篤背脊 講明嫌棄小方寧揀周嘉洛做男友

娛樂 15:48 2022/10/07

分享:

分享:

陳瀅大爆曾被女星篤背脊。

於台慶劇《美麗戰場》擔正演出的陳瀅,近日接受林柏希網上節目《月傾會》訪問,新劇由16歳演到40歲,陳瀅演技大爆發,而劇集內容涉及女星爭上位,原來現實中陳瀅曾被某女星「篤背脊」,不過她當時全不擔心:「我覺得好多人都好錫我,知道真正嘅我係點樣!」

對於監製兼導演葉念琛睇好攞視后,陳瀅反而話隨緣,「我知道葉念琛導演好想我攞,佢仲想過我自己,所以我都同佢講,唔好俾咁多壓力我,我覺得隨緣啦!」

【TVB台慶劇】陳瀅陳山聰企C位盡顯地位 《美麗戰場》最新海報揭5大重要角色

陳瀅接受林柏希網上節目《月傾會》訪問。

被打廿幾巴

陳瀅話更說戲中初戀情節太似真實經歷,拍到打冷震,她說:「有好多經歷真係有啲似,我好記得我同Aska(張馳豪),Aska就係鍾家寶(劇中角色)初戀,我同佢嗰段關係,令我諗起我同我之前個男朋友一啲經歷,同埋我哋嗌交嘅一啲位,似到我會打冷震!」

入行以來事業似一帆風順,陳瀅自言做新人時也受過委屈,其中拍一場戲被打廿幾巴掌:「打戲,真係打咗好多次,不必要嘅多次!有一次因為嗰個男演員比較新,導演話照打落去啦,當時我亦都係好新,我拍一巴戲,好似打咗我十幾廿巴,打到最後嗰幾巴,我忍唔住真係好委屈,好想喊,因為真係好痛!最後都係俾人剪走咗,我最唔開心係俾人剪走咗成段戲!」

不介意被封「肥瀅」

說到陳瀅有兩個花名,包括「肥瀅」和「淫瀅」,原來她全不介意?「我睇慣咗啦已經,其實第一個係肥瀅,我認嘅,因為真係唔瘦;淫瀅呢,以我所知係因為《痞子殿下》,蠻儀個角色係好麻甩,又摸朱仔(朱敏瀚)想搞佢呀,咁就會創造到陳瀅好淫呀!由肥瀅變咗去淫瀅,跟返住我個fan base咁樣講,我都會認嘅!」

對於跟蔡思貝、湯洛雯、龔嘉欣和高海寧冠以「五大花旦」,問陳瀅覺得自己排位如何,她既然將自已放最尾,首位是視后蔡思貝。

    點擊圖片放大
    +4
    +3

入行以來緋聞多

至於可有親眼見過或者聽過女藝人以不同手段上位,陳瀅原來有親身經驗,「佢上咗某個阿姐(高層),邊個阿姐唔好講啦,佢上咗某個阿姐嘅房,喊晒咁話,我唔明點解要俾佢(演某劇集)囉,我喺度咁辛苦咁多年,佢又唔係咁好喎,聽講佢又成日遲到啦,佢又呢樣嗰樣……」

結果女星篤背脊行為傳返落陳瀅耳中,「一定係聽返返嚟,我覺得好多人都好錫我,知道真正嘅我係點樣!」

入行以來陳瀅緋聞多多,緋聞男友包括方力申、周嘉洛和羅天宇,問要選老公、男朋友同一夜情對象,陳瀅會如何挑選,他謂一夜情對象揀朱敏瀚,「因為佢呢排真係操得好fit!」

至於男友跟老公,陳瀅說:「男朋友,我諗我會揀嘉洛,因為嘉洛係一個好多話題、好多嘢講、好調皮,佢好有活力、好活躍呀;老公,我會揀羅天宇,結咗婚之後,一定make sure呢個係一世,佢又係好專一好乖,同埋我好容易知道佢諗緊啲咩!」

至於為何不揀方力申?他解釋:「我覺得我會同佢唔係好夾,因為佢係水瓶座呀,好大男人!」

    點擊圖片放大
    +7
    +6

【巴黎時裝周】陳瀅巴黎「時尚車禍」逐格睇 谷愛凌騷腰晒腿展模特兒風範

曾被問價

最後問陳瀅有否被人「問價」,此時經理人Monica即大爆料,Monica話:「我想講奇怪訊息多啲呀,因為佢個social media會寫經理人個contact,其實係我嚟㗎,你唔好以為搵到佢,但係有好多人,唔知真唔知定假唔知啦!」

Monica續指:「我試過凌晨兩三點,好多時有啲男仔打電話嚟,然之後喺度對住個電話呻吟,我係有老公㗎嘛,好尷尬,個男仔一打嚟,佢就話,呀、呀、呀(喘氣呻吟聲)!」

hket App儲積分換獎賞︰https://bit.ly/3ClEy1R

最新影片推介:

撰文 : TOPick柴犬出動