【我們的主題曲】薛家燕演「好姨」成轉捩點 《皆大歡喜》食飯戲最難忘:雞同魚都係假

娛樂 13:27 2022/10/10

分享:

分享:

《我們的主題曲》

TVB為慶祝台慶55周年推出全新綜藝節目《我們的主題曲》逢周日晚播出,並由張馳豪(Aska)及潘靜文(Sherman)作聲音導航。

昨晚(10月10日)播出一集的主題為處境劇,節目邀來薛家燕獻唱《皆大歡喜》古裝及時裝版主題曲、並孖住Sherman及蔡愷穎(Lolita)大跳十字步,李樂詩獻唱《真情》主題《無悔愛你一生》,JW(王灝兒)獻唱《愛.回家之開心速遞》主題曲《愛心灌溉》。

另外還有王梓軒拉大隊於海旁獻唱劇集經典金曲、袁偉豪深情演繹《一生何求》MV;而譚詠麟、炎明熹(Gigi)跨世代合唱的《他來自江湖》主題曲《明天仍要繼續》,昨晚亦在節目中作全港首播。

「好姨頭」流行

有份演出《皆大歡喜》及《真情》的家燕姐,指演出《皆大歡喜》4年多感到很開心,並謂最難忘是食飯戲:「劇入面好多場食飯戲,但邊有咁多餸吖,啲雞同魚都係假嘅,演食飯都係扮扒飯,但如果嗰日好餸,未正式拍都已經食晒喇!」

至於《真情》對她來說,更是人生轉捩點,家燕姐說:「陳寶華(《真情》編劇)寫好姨呢個角色寫到有血有淚,尤其是同貓屎(黃錦燊飾)嗰段戀情,因為嗰段時間好少中年女士敢講畀人聽自己有戀愛,影響到好多中年女士覺得可以談戀愛,唔會怕畀人笑。」家燕姐又笑指當年很多女士剪「好姨頭」:「證明嗰時好入屋。」

點擊圖片放大
+6
+5

徐遇安質疑黃霑填詞

「貓屎」黃錦燊亦有現身節目及分享最難忘場口:「有兩個飛仔喺Lift度遇到我同好姨,話我『淘古井』,我聽到呢三個字就發晒火,呢場戲好難忘,因為係我啲動作係我自己度。」

獻唱《真情》主題曲的李樂詩則感恩歌曲成為她的代表作:「嗰陣拎到歌詞時,媽媽要幫我譯音,因為我唔識睇中文,當時我不停咁反覆練習。」

《無悔愛你一生》由顧嘉煇、黃霑合作創作,《真情》監製徐遇安透露原來當年曾對歌詞有所質疑,徐遇安說:「黃霑嘅詞我係有啲質疑,因為霑叔對於家庭倫常嘅情未必可以寫到出嚟,好彩《真情》開播時霑叔組織咗家庭,所以歌詞絕對可以表現出家嘅感覺。」

最新影片推介:河國榮專訪

hket App儲積分換獎賞︰https://bit.ly/3ClEy1R

撰文 : TOPick柴犬出動