Dear Jane首度西九舉行戶外騷 四子透露:搖滾到你唔信

娛樂 12:06 2022/10/11

分享:

分享:

Dear Jane西九開騷。

Dear Jane首次舉行戶外演唱會,今次名為《What’s Happening》,就是想直接了跟好久沒有出戶外玩的樂迷見面!日前四子為演唱會拍攝宣傳海報,用了很多時間化了一個前所未有的妝,將搖滾同感性放在一齊,帶出今次音樂會有以往樂迷極愛,亦有大家前所未見過的 Dear Jane!

因為今次音樂會將有一part非常非常搖滾的音樂部份,並言搖滾到你唔信,大家一定要入場!

為了化海報上的妝,Dear Jane當日化近三小時,四人異口同聲笑道真係未試過「今次個妝應該算係化得最Rock最爆嘅一次。」Nice平時好少畫眼線,所以今次幾唔習慣同有少少辛苦,Jackal化完妝望鏡見到自己個咀嚇了一跳,而Tim 就即場剃了半邊面鬍鬚,做半暗黑半企理效果,自己都覺得癲。

四子預告會十分rock。

Dear Jane一直希望可以擁有自己的戶外演唱會,今次終於能實現夢想,在「安盛 x 竹翠公園」場地舉行首次戶外演唱會,所以感到興奮萬分。

談到外國樂隊的演唱會騷,再激再勁的情節也出現過,Jackal說 :  「我見有啲戶外show試過掉大型嘅波波落去觀眾,『插水』跳落觀眾,假如可以,我好想試下,雖然疫情進入平台期,但都要謹守防疫規則,保持適當社交距離,插水我估要等下次,疫情過後先可以試。掉波波就會同演唱會監製同公司研究係咪可以發生,大家期待下!」

Tim :  「我見過外國騷台上表演者會用啲水槍對台下嘅觀眾,如果可以我想試吓用我枝咪變水槍咁樣『吱』大家!」

Howie : 「 我見過有啲樂團開show個結他真係會噴火㗎!如果我枝結他噴火,真係正呀。」Nice : 「噴火我都想睇下,或者演唱會入面可以放下煙花.....」最後四人異口同聲表示,「 What’s Happening? 到時見!」

最新影片:河國榮訪問

撰文 : TOPick柴犬出動