【離鄉別井的故事】港男棄高薪陪癌病女友移居英國靜養 男方家人齊撐:我哋會support你

娛樂 12:16 2022/10/12

分享:

分享:

開電視節目《離鄉別井的故事》講述港人移英的故事。

由簡淑兒(Jessica)主持的香港開電視節目《離鄉別井的故事》,昨晚(10月11日)播出第2集,繼續圍繞前TVB編劇、90後YouTuber Heidi的故事。

Heidi數年前罹患乳癌和焦慮症,兩年前與男友Chris移居英國諾定咸,原本任職投資分析員的Chris放棄高薪厚職陪伴Heidi養病,首集講到Heidi曾希望跟Chris分手,認為對方可找個更健康的女生,情節催淚。

最新影片推介:河國榮專訪

移英後感情倍增

兩人移居英國後感情日漸倍增,Heidi直言曾對Chris有誤解,現在二人多了時間多溝通,感情反而更加穩固。

她回憶說:「因為喺香港大家好多時間用嚟做嘢,好少機會好深入交流,即使我哋一齊咗幾年,但原來有好多誤會誤解。反而嚟到英國後,多咗時間相處諗多咗嘢,乜都諗一餐。每一個行為我哋都會諗,咩性格點解會做咗呢個行為出嚟,有好多誤會就化解咗,我哋就更加認識到對方究竟係一個咩人。」

點擊圖片放大
+5
+4

完全融入家中

回想自己的病情,Heidi坦言擔心拖累Chris外,還連累其家人:「因為我知道佢爹哋媽咪好想要小朋友,其實我個病食咗藥未必會有小朋友......我有諗過佢屋企人會唔會介意,佢又咁後生,會唔會想佢搵個更加後生更生健康嘅女仔。」

她感動地憶述指:「但佢爹哋好support我,話:『唔驚嘅,你有咩都會陪你過,我哋都會畀好多support你』。我覺得佢屋企人係畀咗好多愛我,好似有多一個屋企咁。」

平日極少說甜言蜜語的Chris,在節目內更拍一段影片向Heidi表白心聲:「我愛你,我知呢個講得唔夠多,但我依家對住鏡頭講一次。」

他續說:「Heidi你太熟悉我喇,走唔甩喇你今次。(真命天女?)係啦,好難得㗎嘛。搵到一個互相真係了解大家,嗰個了解唔係話好片面,而係基本上你個人個性格做到啲咩,佢都會知我做啲咩,咁正如我了解佢都係一樣,大家磨合得都好完美。」

Heidi笑指對方求婚時也沒說過這番話,原來Chris早於移居英國前已向Heidi求婚成功,節目更播出二人在英國拍攝的婚紗照,感動又浪漫。

hket App儲積分換獎賞︰https://bit.ly/3ClEy1R

撰文 : TOPick柴犬出動